Ko fɔlɔfɔlɛ 49:25 - Ala la kitabuenu Mɔgɔfin kuma tɔ

²⁵ I baaba Marigi Ala le si i dɛman, Ala min mu sɛnbɛ tige la, a ni barikɛ sa i la ko tɔ, a ni saŋɛ barikɛnu lajigi kabɔɔ kantɔ, a ni duge tɔ je barikɛ dii i ma, a ni den sɔtɔ koe laɲini i ye a ni i bɔnsɛ singi je lasiya.

Ko fɔlɔfɔlɛ 49:25 ပူးပေါင်းရင်းမြစ်များ

Ko fɔlɔfɔlɛ 17:1

Iburama la sɔtɛ ka san bi kɔnɔntɔ nun kɔnɔntɔ bɔɔ tɛmuɛ min tɔ, Alatala ka a yɛtɛ labɔɔ Iburama ma, a ka fɔ a ye: «Nde le mu Ala sɛnbɛ tige la. I ni n na kila jokki, i ni ma mɔgɔ telendeŋɛ la.

Ko fɔlɔfɔlɛ 27:28

Ala mu kunda diila i ma min be bɔɔla kantɔ. Ala mu duge nafa diila i ma. Ala mu tɔnɔ banba tola i la sɛnɛ tɔ. Ala mu beere siyama diila i ma, min bele mɛren.

Ko fɔlɔfɔlɛ 28:13

A ka a yen, Alatala yɛtɛ le be sɔren a kɛnna, a be kumala a ye: «Nde le mu Alatala la, i mankayi Iburahima la Ala, anun Isiyaka la Ala. I be saren duge min tɔ, n si a dii i nun i bɔnsɛnu ma.

Ko fɔlɔfɔlɛ 28:21

wo kɔma, ka n saagita hɛra tɔ n baaba la boŋɛ tɔ, n si Alatala batu a ni ma n na Ala la.

Ko fɔlɔfɔlɛ 28:3

Ala mu barikɛ sala i la ko tɔ, Ala sɛnbɛ tige, a ni den siyama dii i ma, a ni i bɔnsɛ lasiya i ni ma jama siyama benba la.

Ko fɔlɔfɔlɛ 32:9

A ka a fɔ a juse tɔ, a ko: «Ka Esayu nata jama dɔndɔ kɛlɛ, jama tɔɛ si nɔ borila.»

Ko fɔlɔfɔlɛ 35:11

Ala mɛn ka a fɔ a ye, a ko: «Nde le mu Ala sɛnbɛ tige la. I ni jiidi, i ni siya, alako i ni ma jama banba tige la, i mɛn si ma le see siyama benba la. Mansanu si naa bɔɔ le i bɔnsɛ tɔ.

Ko fɔlɔfɔlɛ 35:3

Wo tabɛn wo mɔ ni ma Betɛli. N ni taga sarika bintandula ɲiɲa Ala ye ɲɔ. N be kɔntɔfile tɔ tɛmuɛ min tɔ, Ala ka n kulɛ mɔɛ. N tagamanta dula min bɛ tɔ, Ala tota n fɛ.»

Ko fɔlɔfɔlɛ 43:23

A ka anu jaabi, a ko: «Wo juse ká sa, wo kana kilan fenfen na. Wo nun wo baaba Marigi Ala le be kɛ harige diiren wo ma bɛkkenu butɔ. Wo la nafule kan donta le n bolo.» A ka Simeyɔn nabɔɔ anu ma.

Ko fɔlɔfɔlɛ 48:3

Yaguba ka a fɔ Yusufu ye, a ko: «Ala sɛnbɛ tige bɔɔta le n ma Lusi, Kanana duge tɔ. A ka barikɛ sa n na ko tɔ.

Hɔrɔya 18:4

Doe tɔgɔ le Eliyɛsɛri, wo be a fɔren de: «N baaba la Ala bata n dɛman, a bata n bɔɔ Firauna la faŋɛ da tɔ.»

Filipi 4:19

N Marige Ala la fonisireya nun a la mansabaya to kolo, wo hajue be min bɛ ma, a si naa wo kɔ a bɛ la, a la mɔgɔ masubɛreŋɛ Isa sabu la.