Ko fɔlɔfɔlɛ 48:7 - Ala la kitabuenu Mɔgɔfin kuma tɔ

⁷ N na bɔɔreŋɛ Padan, yannun n ni ke Efarata, Kanana duge tɔ, i nɛɛnɛ Rakeli fagata n bolo kila la. N ka a mandi Efarata kila la ɲɔ, ka min tɔgɔ Betilɛmu.»

Ko fɔlɔfɔlɛ 48:7 ပူးပေါင်းရင်းမြစ်များ

Ko fɔlɔfɔlɛ 25:20

Isiyaka la sɔtɛ ka san bi naani bɔɔ tɛmuɛ min tɔ, a ka Rebeka futu. Rebeka baaba le mu Betuyɛli la. Rebeka kɔtɔ kayima le mu Laban na, anu mu Arami kaanu le la: anu be bɔɔren Padan-Arami jamanɛ tɔ le.

Ko fɔlɔfɔlɛ 33:18

Yaguba la bɔɔreŋɛ Padan-Arami, a tagata han a keta Sisɛmu saa tɔ, Kanana duge tɔ, a be kendeyaren. A ka a la tanta lafonti saa tele yɛlɛ tɔ.

Ko fɔlɔfɔlɛ 35:20

Yaguba ka manditɛ kure sigi a gabure kunma. Han kɔtɛ ɲɔ tɔgɔ be fɔla Rakeli la gaburu kure.

Ko fɔlɔfɔlɛ 35:9

Ala mɛn ka a yɛtɛ labɔɔ Yaguba ma a la nareŋɛ kabɔɔ Padan-Arami, a ka barikɛ sa a la ko tɔ,

Ko fɔlɔfɔlɛ 48:6

Kɔnɔ ka i ka deŋɛnu minnu sɔtɔ kɛnu kɔma, wonu si ma ile tɛŋɛ la. Anu be naala tola anu kɔtɔnu le kɔma anu la kɛɛ la ko la.

Ruti 1:2

Ale kaye tɔgɔ le Elimelika, a la muse tɔgɔ Nayomi, a la den kayiren fila tɔgɔ Mayilɔn anun Kiliyɔn. Anu mu Efarata kaanu le la, anu bɔɔta Betilɛmu saa tɔ, min be Juda duge tɔ. Anu la kereŋɛ Mowaba duge tɔ, anu tota ɲɔ.

1 Samiyɛli 1:1

Kaye do le be nun, a tɔgɔ Elikana. A be sabatiren Ramatayimu saa tɔ, Sufuya duge tɔ, Efirayimu kɔnkɛ do kunma. Yerohamu la deŋɛ le mu a la, Elihu kan mamareŋɛ, Tohu la denbaya, Sufu bɔnsɛ. Efarata kaa le mu a la.

1 Samiyɛli 10:2

Ka i bɔɔta yan, i tini ke Sɛlisa saa tɔ min be Bunyamin bɔnsɛ la duge naaniŋɛ tɔ, i si kayi mɔgɔ fila taran ɲɔ Rakeli gabure kɛnna. Anu si a fɔ i ye: ‹Wo tagata sofali musenu minnu ɲinidula, anu bata yen. I baaba bata ɲina a la sofalenu la ko la, a be jusu makasa tɔ wole le la ko la kɔtɛ, a be a fɔla: ‹N si fen de ma n na deŋɛ la ko la?››

1 Samiyɛli 16:4

Samiyɛli ka a ma iko Alatala ka a fɔ a ye ki min na, a tagata Betilɛmu. Ɲɔ saa kayibanu tagata a labɛn anu kilandeŋɛ la, anu ka a maɲininka: «I be naren hɛra le la ba?»

1 Samiyɛli 17:12

Efarata kaa min tɔgɔ Jese, wo la deŋɛ le mu Dauda la. Jese be sabatiren Betilɛmu saa tɔ le, Juda duge tɔ. Den kayiren mɔgɔ sagin de be a bolo. Sayulu la wagate ka a taran de, kayiba do le mu a la ɲɔ kaanu tɛma.