Ko fɔlɔfɔlɛ 48:4 - Ala la kitabuenu Mɔgɔfin kuma tɔ

⁴ A ka a fɔ n ɲɛ, a ko: ‹Nde le mu ka, n si i lajiidi, n ni i lasiya, n ni i ma jama banba tige la. N si kɛ duge dii le i bɔnsɛ ma hali i tanbi kɔma, a ni ma anu tɛŋɛ la kudai.›

Ko fɔlɔfɔlɛ 48:4 ပူးပေါင်းရင်းမြစ်များ

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 17:13

Ka joŋɛ sɔtɔta i bata le ba, ka i ka a san i la nafule le la ba, a bɛ ni sunna. N na lahire manditɛ be tola wo bale tɔ ɲɔgɔnna le, ka a fɔla lahiri banbale le.

Ko fɔlɔfɔlɛ 17:6

N si i la jiide lasiya koola, n si i ma bɔnsɔ siyama tige la. Mansa banbanu si bɔɔ i bɔnsɛ tɔ.

Ko fɔlɔfɔlɛ 17:8

I be luntanya tɔ duge min tɔ ka, min mu Kanana duge la, n si kɛ duge bɛ dii i nun i bɔnsɛnu ma. A si ma i nun i bɔnsɛnu tɛŋɛ la kudai. N si ma i bɔnsɛnu la Ala la.»

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 26:4

N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Ko fɔlɔfɔlɛ 28:3

Ala mu barikɛ sala i la ko tɔ, Ala sɛnbɛ tige, a ni den siyama dii i ma, a ni i bɔnsɛ lasiya i ni ma jama siyama benba la.

Ko fɔlɔfɔlɛ 32:12

N bata i táran, i ni n natanga n kɔtɔ Esayu ma, bayi n bata kilan a la. N be kilanden de a kana na n kɛlɛ a ni n na denbayanu tugun faga.

Ko fɔlɔfɔlɛ 35:11

Ala mɛn ka a fɔ a ye, a ko: «Nde le mu Ala sɛnbɛ tige la. I ni jiidi, i ni siya, alako i ni ma jama banba tige la, i mɛn si ma le see siyama benba la. Mansanu si naa bɔɔ le i bɔnsɛ tɔ.

Ko fɔlɔfɔlɛ 46:3

Ala ka a fɔ a ye: «Nde le mu Ala la, i baaba Marigi Ala. Hali i ma kilan tagala Misira, bayi n si i bɔnsɛ lasiya ɲɔ le koola.

Ko fɔlɔfɔlɛ 47:27

Yaguba bɔnsɛ sabatita Misira jamanɛ tɔ, Gosɛn duge tɔ. Wo duge mata anu tɛŋɛ la. Anu jiidita, anu siyata han.

Hɔrɔya 1:11

Awa, anu nata kuŋɛnu sɔ bani Isirayila jama kunma anu tɔɔrɔ koe wali bɛlɛŋɛ la. Wo butɔ, bani Isirayila kaanu ka saanu labɔɔ dɔmɔ mandidula la Misira mansa ye, ka minnu tɔgɔ Pitɔmu anun Ramisɛsi.

Hɔrɔya 1:7

Kɔnɔ wo bɛ butɔ, bani Isirayila kaanu mata le den sɔtɔlanu la, anu jiidita, anu naata siya anu ka sɛnbɛ sɔtɔ han anu ɲan ka duge lafa.

Lewi bɔnsɛnu la sariya 26:9

N si hinnɛ wo la. N si wo lajiidi le, n ni wo lasiya. N si n na lahire lakamali le wo ye.