Ko fɔlɔfɔlɛ 48:14 - Ala la kitabuenu Mɔgɔfin kuma tɔ

¹⁴ Kɔnɔ Yaguba ka a bolo ɲinma bole latanbi a bolo mara sɔngɛ la, a ka a sa Efirayimu kuŋɛ ma, min mu dendeŋɛ la. A ka a bolo mara bole latanbi a bolo ɲinma sɔngɛ la, a ka a sa Manasi kuŋɛ ma, hali a to mu den fɔlɛ la. A dun ka a lɔn a be koe min mala a bolenu la.

Ko fɔlɔfɔlɛ 48:14 ပူးပေါင်းရင်းမြစ်များ

Ko fɔlɔfɔlɛ 41:51

Yusufu ka den fɔlɛ tɔgɔ sa Manasi, bayi a ka a fɔ: «Ala bata n naɲina n na tɔɔrɛ bɛ la, anun n baaba la denbaya bɛ la.»

Ko fɔlɔfɔlɛ 41:52

A ka den filaɲɔgɛ tɔgɔ sa Efirayimu, bayi a ka a fɔ: «Ala bata n ma den sɔtɔlá la, n kun be majigiren jamanɛ min tɔ nun».

Ko fɔlɔfɔlɛ 46:20

Potifari sarika lakelá min be On saa banba tɔ, a la den musereŋɛ Asanati ka den kayiren fila sɔtɔ Yusufu ye Misira duge tɔ: Manasi nun Efirayimu.

Ko fɔlɔfɔlɛ 48:13

Wo kɔma, Yusufu ka a la den fila bita a bole ma, a ka Efirayimu bita a bolo ɲinma bole la, Yaguba bolo mara sɔngɛ la. A ka Manasi bita a bolo mara bole la, Yaguba bolo ɲinma sɔngɛ la. A ka anu madon a la.

Ko fɔlɔfɔlɛ 48:17

Kɔnɔ Yusufu to ka a yen a baaba bata a bolo ɲinma bole sa Efirayimu kuŋɛ ma, wo koe ma diya a ye feu. A ka a baaba bole bita alako a ni a bɔɔ Efirayimu kuŋɛ ma, a ni a sa Manasi kuŋɛ ma.

Ko fɔlɔfɔlɛ 48:18

Yusufu ka a fɔ a baaba ye: «N baaba, i bata tantan, bayi Manasi le mu kina la. I be i bolo ɲinma bole sala ale le kuŋɛ ma.»

Hɔrɔya 15:6

Ee Alatala! I bolo ɲinma bole makilanta i sɛnbɛ la ko la. Ee Alatala! I bolo ɲinma bole si i jague la ko tiɲa le.

Luki 13:13

A to ka a bolenu sa muse kuŋɛ tɔ, a telenta kisanna, a tota Ala tantula.

Luki 4:40

Tele la dulareŋɛ, bandibaga mɔɔle yo be min bolo, anu ka anu nati Isa dula. A ka a bole sa anu bɛ kuŋɛ tɔ dɔndɔ dɔndɔ, a ka anu bɛ lakendeya.

Kiilanu 13:3

Wo butɔ, anu to ka súŋɛ́ nun Ala mataraŋɛ ma, anu ka anu bole sa Baranabasi nun Sɔlu kuŋɛ ma, wo kɔma anu ka anu boloka, anu tagata.

Kiilanu 6:6

Anu ka wonu dantɛgɛ kiilanu ye. Wonu ka Ala mataran anu ye, anu ka anu bole sa anu kuŋɛ ma.