Ko fɔlɔfɔlɛ 46:34 - Ala la kitabuenu Mɔgɔfin kuma tɔ

³⁴ wo be a jaabila le: ‹I la joŋɛnu, mɔ mu kolofen kolola le la bɔɔla mɔ dendeŋɛ la han kɔtɛ, iko mɔ baabanu ka a ma ki min na nun.› Wo butɔ wo be naala tola Gosɛn duge le tɔ, bayi kolofen daɲinilanu bɛ tana le Misira kaanu la.»

Ko fɔlɔfɔlɛ 46:34 ပူးပေါင်းရင်းမြစ်များ

Ko fɔlɔfɔlɛ 13:7

Wo tɛmuɛ, Kanana kaanu nun Feresi kaanu tugun be sigiren wo duge tɔ. Lun go lun, Iburama la kolofen kantalanu nun Luti la kolofen kantalanu si to sɔnkɔla.

Ko fɔlɔfɔlɛ 13:8

Wo butɔ, Iburama ka a fɔ Luti ye, a ko: «Yandi, mɔ kana sɔn sɔnkɛ ni to donna ile nun nde tɛma, tagala i la kolofen kantalanu nun n na kolofen kantalanu tɛma, bayi mɔ mu barenma le la.

Ko fɔlɔfɔlɛ 26:20

Kolofen kantalanu nata bɔɔla Gerari, anu ka Isiyaka la kolofen kantalanu kɛlɛ, anu ka a fɔ, anu ko: «Kɛ tenge mu mɔ tɛŋɛ le la.» Isiyaka ka wo kɔlɔŋɛ tɔgɔ sa «Esɛki», bayi anu kɛlɛta a kunma.

Ko fɔlɔfɔlɛ 30:35

Kɔnɔ, wo lun yati, kaarin kaariŋɛ anun tonbitonbe be sikulenu minnu ma, Laban ka wonu masubɛ. Tonbitonbe nun ɲɛgɛŋɛ be baanu minnu bale ma, a ka wonu tugun masubɛ, anun baanu minnu bɛ bale mabasanden a beema beema la, anun saakanu minnu bale finma mu. A ka wonu bɛ masubɛ, a ka anu don a la den kayireŋɛnu bolo.

Ko fɔlɔfɔlɛ 34:5

Wo tɛmuɛ, Yaguba bata a mɔɛ, Sisɛmu bata a la den musereŋɛ Dina manɔgɔ. Wo ka a taran a la deŋɛnu be kolofeŋɛnu fɛ ɲagama butɔ. A ma fenfen fɔ han wonu nata.

Ko fɔlɔfɔlɛ 37:12

Yusufu kɔtɔnu tagata anu baaba la kolofeŋɛnu daɲinidula Sisɛmu.

Ko fɔlɔfɔlɛ 37:2

Yaguba bɔnsɛ la tarigu le mu ka. Yusufu be san tan nun wɔrɔwila, a nun a kɔtɔnu tota kolofeŋɛnu daɲinila. A nun a baaba la musenu Bila nun Silipa tɛn deŋɛnu tota ɲɔgɔn na, a be dendenya tɔ. Wonu be ko koroŋɛ min mala, a ni to nala wo fɔla a baaba ye.

Ko fɔlɔfɔlɛ 43:32

Anu ka a tɛŋɛ sa a katima, a kɔtɔnu tugun sigita anu katima. Misira kaanu minnu tugun be keleren, wonu sigita anu katima, bayi Misira kaanu anun Hebure mɔgɛnu te dɔmɔre ma kan dɔndɔ. Misira kaanu tana le wo la.

Ko fɔlɔfɔlɛ 45:10

A be naala tola n kɛnna le, Gosɛn duge tɔ. Ale nun a la deŋɛnu, anun a mamareŋɛnu, anun a la kolofeŋɛnu, a lanma nun a banba, anun feŋɛ min bɛ be a bolo. A bɛ ni naa to n kɛnna.

Ko fɔlɔfɔlɛ 45:18

Wo ni wo baaba jigan, anun wo la denbayanu, wo ni na n kɛnna. Duge kandula ɲinma min be Misira, n si a don wo bolo, alako wo ni duge tɔnɛ dɔmɔ.

Ko fɔlɔfɔlɛ 46:32

Kɛ mɔgɛnu, wɔɔrɔ tige le mu anu la. Anu si kolofeŋɛnu daɲini. Anu bata na anu la wɔɔrɛ fɛ, baanu, saakanu, ningenu, anun anu sɔtɔfeŋɛ bɛ.

Ko fɔlɔfɔlɛ 47:11

Wo la tanbireŋɛ, Yusufu tugun ka a baaba nun a kɔtɔnu sigi Misira jamanɛ tɔ, a ka duge kan ɲinma dii anu ma Ramisɛsi duge tɔ, iko Misira mansa ka a yamɔri ki min na.

Ko fɔlɔfɔlɛ 47:3

Misira mansa ka Yusufu kɔtɔnu maɲininka, a ko: «Wo la wale mu fen de la?» Anu ka Misira mansa jaabi, anu ko: «I la joŋɛnu, mɔ mu kolofen daɲinila le la, iko mɔ benbanu ka a ma ki min na nun.»

Ko fɔlɔfɔlɛ 47:4

Anu mɛn ka a fɔ Misira mansa ye: «Mɔ be naren luntanya le la kɛ duge tɔ betunna, bayi kɔnkɛ bata sɛnbɛ sɔtɔ Kanana duge tɔ. Dɔmɔ bele i la joŋɛnu la kolofeŋɛnu ye bitugun. Mɔ bata i táran, i ni i la joŋɛnu sago dii anu ni sigi Gosɛn duge tɔ.»

Ko fɔlɔfɔlɛ 47:6

Misira jamanɛ be i sagoe tɔ. Kandula ɲinma ɲini kɛ jamanɛ tɔ, i baaba nun i baaba dɔndɛnu si sigi ka min na. Anu si nɔ sigila Gosɛn duge tɔ. Ka i ka mɔgɛnu lɔn anu tɔ minnu ka wale lɔn, anu jigan anu ni ma n na kolofen kantalanu kuŋɛnu la.»

Hɔrɔya 8:22

Musa ka a jaabi, a ko: «A te bɛn ɲɔgɔnna de! I ni a lɔn mɔ be kolofeŋɛnu minnu bɔɔla sarika la, wonu sarika bɔɔ koe mu tana le la Misira kaanu ye. Mɔ tini wo sarikanu mɔɔle bɔɔ Misira kaanu ɲala, kaa anu te mɔ mabun de kurenu la?

Hɔrɔya 8:26

Wo kɔma, Musa bɔɔta Firauna bata, a ka Alatala mataran.