Ko fɔlɔfɔlɛ 42:38 - Ala la kitabuenu Mɔgɔfin kuma tɔ

³⁸ Yaguba ka a jaabi, a ko: «Ade, n na deŋɛ nun wole te taga, bayi a kɔtɔ bata faga, a dɔrɔn de be toren. N bata kɔtɔya. Ka ko do tagata a masɔtɔ wo la biyase tɔ, n be fagala le n be suunuuren wo la tiɲare la.»

Ko fɔlɔfɔlɛ 42:38 ပူးပေါင်းရင်းမြစ်များ

Ko fɔlɔfɔlɛ 37:33

Yaguba ka doroke talɔn. A ka a fɔ, a ko: «N na deŋɛ la doroke le, subu fatima do bata Yusufu faga, a bata a fara.»

Ko fɔlɔfɔlɛ 37:34

Yaguba ka a la kutanu fara a ma. A ka kinikini kuta lajigi a ma, tele siyama a be a la deŋɛ la ko suunɛ tɔ.

Ko fɔlɔfɔlɛ 37:35

A la den kayireŋɛnu anun a la den musereŋɛnu bɛ wulita anu tagata a masabari, kɔnɔ a ma sɔn sabarila. A ka a fɔ, a ko: «N si n na deŋɛ la faga suunɛ ma han n be tagala a taranna tɛmuɛ min tɔ aligiyama.» A tota dila a la ko la.

Ko fɔlɔfɔlɛ 42:13

Anu ka a jaabi anu ko: «Mɔle, i la joŋɛnu, mɔ mɔgɔ tan nun fila le nun, mɔ bɛ mu kayi dɔndɔ le la deŋɛ la Kanana duge tɔ. Mɔ dɔgɛ be mɔ baaba kɛnna boŋɛ tɔ. Kɔnɔ dɔndɔ kan bata bɔɔ mɔ la.»

Ko fɔlɔfɔlɛ 42:37

Rubɛn ka a fɔ a baaba ye, a ko: «Bunyamin don n bolo n mɛn si a nati le i ye. Ka n ma a nati i ye, i tini wuli i si nɔ n na den fila fagala.»

Ko fɔlɔfɔlɛ 42:4

Yaguba ma Yusufu dɔgɔ Bunyamin boloka, a ni a baaba dɔndɔ kɔtɛnu jokki, bayi a ka a fɔ a ko: «N be kilanden de, ko koroŋɛ kana a masɔtɔ.»

Ko fɔlɔfɔlɛ 43:13

Wo wuli wo ni wo dɔgɛ jigan wo ni taga ale kaye bata.

Ko fɔlɔfɔlɛ 44:20

Mɔ ka i jaabi: ‹Mɔ baaba kayiba be ɲɔ, anun mɔ dɔgɛ Bunyamin, a ka min sɔtɔ a la kayibaya butɔ. Ale le di a baaba ye. A nɛɛnɛ la deŋɛnu tɔ, a dɔrɔn de be toren, bayi a kɔtɔ bata faga.›

Ko fɔlɔfɔlɛ 44:22

Mɔ ka i jaabi: ‹Kɛ dendeŋɛ te nɔ bɔɔla a baaba kɛnna, ka wo ma a baaba si faga le.›