Ko fɔlɔfɔlɛ 42:15 - Ala la kitabuenu Mɔgɔfin kuma tɔ

¹⁵ N be wo mafɛlɛla kɛlɛ la ka wo tɔɲa le. N bata n kali Misira mansa tɔgɛ la, wo te bɔɔ yan fanni wo dɔgɔ dɔgɔmaŋɛ ma na yan.

Ko fɔlɔfɔlɛ 42:15 ပူးပေါင်းရင်းမြစ်များ

Ko fɔlɔfɔlɛ 42:12

A ka a fɔ anu ye, a ko: «Foniya le. Wo be naren de alako duge ka min bele makantaren wo ni ɲɔ don ɲa lɔn.»

Ko fɔlɔfɔlɛ 42:14

Yusufu ka a fɔ anu ye, a ko: «N ka kɛlɛ fɔ wo ye nun, wo mu nafige le la.

Ko fɔlɔfɔlɛ 42:16

Wo mɔgɔ dɔndɔ kii wo tɛma, a ni taga a nati. Wole tɔmanu kan be sala geele tɔ le. N si naa wo la kuma fɛlɛ alako n ni a lɔn ka wo be tɔɲa le fɔren n ɲɛ. Ka wo ma, n bata n kali Misira mansa tɔgɛ la wo mu nafige le la.»

Ko fɔlɔfɔlɛ 42:20

Wo ni wo dɔgɛ dɔgɔmaŋɛ nati n bata, alako n ni a lɔn ka wo ka tɔɲa le fɔ. Wolo si a ma wo si naa kisi.» Anu ka wolo ma.

Ko fɔlɔfɔlɛ 42:30

anu ko: «Kaye min mu ɲɔ jamanɛ kunma fɔla la, a ka kuma bɛlɛŋɛnu sɔ le mɔ ma. A mɛn ka mɔ ma a la duge manafigiya mɔgɛnu la.

Ko fɔlɔfɔlɛ 42:34

Aa mɔ ni na mɔ dɔgɔ dɔgɔmaŋɛ doni a ye, wolo mu a si a lɔn ka a fɔla nafigi ma mɔ la, mɔ mu mɔgɔ telendeŋɛ le la. Aa wo tɛmuɛ a si mɔ baabadɔndɛ don mɔ bolo, mɔ mɛn si nɔ mɔ la koenu latagamanna jamanɛ butɔ.»

Ko fɔlɔfɔlɛ 42:7

Yusufu to ka a kɔtɔnu yen, a ka anu talɔn. Kɔnɔ a ka a yɛtɛ mafu anu ma, a tota iko a ma anu lɔn. A kumata anu ye a bɛlɛma la. A ka a fɔ anu ye: «Wo be bɔɔren mina le?» Anu ka a jaabi, anu ko: «Mɔ be bɔɔren Kanana duge tɔ le, mɔ be naren dɔmɔ sandula.»

Ko fɔlɔfɔlɛ 43:3

Juda ka a jaabi, a ko: «Wo mansa kɔnkɔnta le mɔ ma a beeyareŋɛ la, aa ka mɔ ma mɔ dɔgɛ doni mɔ fɛ, hali mɔ ma ke a ma.

Ko fɔlɔfɔlɛ 43:5

Kɔnɔ ka i ma sɔn a ma, mɔ te taga, bayi wo kaye ka a fɔ le mɔ ye, aa ka mɔ ma mɔ dɔgɛ doni mɔ fɛ, hali mɔ ma ke a ma.»

Yaguba 5:12

Awa, n nɛɛnɛdɔndɛnu, n be min mabanbanna wo ye koola, wo ɲan kana wo kali saŋɛ la, wo kana wo kali duge la, wo kana wo kali fenfen mɔɔli do la. Wo tini a fɔ «iyon», a ni ma tɔɲa le la. Wo tini a fɔ «ade», a ni ma tɔɲa le la. Ka wo ma, kiite tini sa, a te bɛn wo ye.

1 Samiyɛli 1:26

Hana ka a fɔ Eli ye, a ko: «N marige hakkɛ to n ɲɛ. Muse min nata yan nun i dula, a be Alatala mataranna, nde le mu nun. N bata n kali wo la i ɲala.

1 Samiyɛli 17:55

Sayulu to ka Dauda yen, a be tagala kɛ Filisiti kaa digii ma, a ka Abineri maɲininka, a la sɔɔri mansa, a ko: «Ɲɔmɔ le la deŋɛ mu kɛ dendeŋɛ la?» Abineri ka a jaabi, a ko: «A tɔɲa kɛɲa ma, mansa, n ma a lɔn feu.»

1 Samiyɛli 20:3

Dauda ka a kali, a ko: «I baaba ka a lɔn a ɲinma la ka a fɔla n na ko bata diya i ye. A be a fɔla le a fan ma, i kana lɔn sɔtɔ kɛ ma, ka wo ma a si i tɔɔrɔ le. Kɔnɔ, n bata n kali Alatala la, Ala min be baluren, anun ile la ko la, n ko nde nun faga tɛma yo ma yanfa ɲɔgɔn na bitugun.»