Ko fɔlɔfɔlɛ 41:8 - Ala la kitabuenu Mɔgɔfin kuma tɔ

⁸ Wo koe ka Misira mansa juse makasa. Saguma a ka Misira soninkenu anun karannanu bɛ kele. A ka kɛ kiboenu ɲamakaran anu ye, kɔnɔ mɔgɔ yo ma sɔtɔ anu tɔ min si nɔ anu ɲatabɔla a ye.

Ko fɔlɔfɔlɛ 41:8 ပူးပေါင်းရင်းမြစ်များ

Ko fɔlɔfɔlɛ 40:6

Yusufu nata anu fɛlɛdula saguma a ka a taran anu juse be makasaren.

Ko fɔlɔfɔlɛ 40:8

Anu ka a jaabi: «Mɔ be kiboren de, kɔnɔ mɔgɔ yo bele yan min si nɔ kɛ kiboe ɲatabɔla mɔ ye.» Yusufu ka a fɔ anu ye, a ko: «Wo ma a lɔn wo kiboe ɲatabɔ koe be Ala dɔrɔn de bolo? Wo wo la kiboenu fɔ n ɲɛ ba.»

Ko fɔlɔfɔlɛ 41:15

Misira mansa ka a fɔ Yusufu ye, a ko: «N be kiboren de, kɔnɔ mɔgɔ yo ma sɔtɔ min si nɔ ale kiboe ɲatabɔla n ɲɛ. N bata a mɔɛ, ka anu ka kiboe min fɔ i ye, i si nɔ le a ɲatabɔla.»

Ko fɔlɔfɔlɛ 41:24

Tɔnsɛ foforeŋɛnu ka wo tɔnsɛ ɲinma wɔrɔwila dɔmɔ. N ka kɛ kiboe fɔ soninkenu ye, kɔnɔ mɔgɔ yo ma sɔtɔ anu tɛma, min si nɔ a ɲatabɔla n ɲɛ.»

Ko fɔlɔfɔlɛ 41:7

Kɛ tɔnsɔ lanmanu ka kɛ tɔnsɔ lafaren wɔrɔwila majabureŋɛnu dɔmɔ. Wolo tabɛnta Misira mansa kunɛnta. A ka a lɔn ka a fɔla a bata kibo.

Hɔrɔya 7:11

Kɔnɔ Firauna tugun ka Misira keuyantenu nun durenu kele, wonu tugun ka wo ko dɔndɛ ma anu la keuya sabu la.

Hɔrɔya 7:22

Kɔnɔ Misira durenu tugun ka wo ko dɔndɛ ma anu la keuya sabu la. Firauna hakkile bɛlɛyata, a ma Musa nun Harona kulɛ lamɔɛ; Alatala ka a fɔ ɲɔgɔnna le nun.

Hɔrɔya 8:7

Langansarimanu si naa yanfaya i la, anun i la boŋɛnu la, anun i la walilanu nun i la jama la. Anu si naa to Nili kɔɛɛ le tɔ.»

Hɔrɔya 9:11

Yitenu la ko ka a ma durenu ɲan ma nɔ sɔla Musa ɲakɔtɔ bitugun, bayi yitenu be durenu tugun ma iko Misira kaa tɔma bɛ.

Lewi bɔnsɛnu la sariya 19:31

Wo kana mɔgɔ ɲini min si ɲananu lakuma fɔ wo ye. Wo kana fɛrili malanu jokki, ka wo ma wo si ma saniyanbalenu la. Nde le mu Alatala la, wo Marige Ala.

Lewi bɔnsɛnu la sariya 20:6

Ka mɔgɔ do ka n janfa a sɔta fɛrili malanu kɔma, anun mɔgɛ min be ɲana lakumala, n ni n ɲamatelen wo tigi ma, n ni a bee a la jama tɛma.

Kiilanu 17:18

Lɔnnɛ ɲinilanu donu be ɲɔ, anu be minnu ma Epikiri anun Sitoyisi karamɔgɛnu, wonu donu tugun bɛnta a ma anu be a sɔsɔla. Donu ko: «Kɛ bure be diren fen kuma fɔla?» Donu tugun ko: «A be maren iko a be jamanɛ donu la batufeŋɛnu le la ko lakela.» Anu ka wo fɔ, bayi a be Isa la kibaru ɲinma anun fagabaga lawuli koe lakela anu ma.

Kiilanu 7:22

Anu ka annabi Musa karan Misira kaanu la lɔnnɛ bɛ la. A la kuma nun a wali ɲa sɛnbɛ koloyata.

1 Samiyɛli 6:2

Wo tanbi kɔma, Filisiti kaanu ka anu la kuye la sarika lakelanu anun anu la fɛrili malanu madɛn, anu ka a fɔ anu ye: «Mɔ bɛnta fen de mala Alatala la kankira la? A bɛnta ka a lasaagi a bɔɔ dula kɔtɔma tɔ ki min na, wo ni a fɔ mɔ ye.»