Ko fɔlɔfɔlɛ 41:43 - Ala la kitabuenu Mɔgɔfin kuma tɔ

⁴³ Wo kɔma, a ka a layɛlɛ a la sarɛti filaɲɔgɛ kanna. Mansa la kila lakalanu, minnu be a ɲatɔ, wonu be tagala belebelela anu be a fɔla: «Wo bɔɔ kila tɔ!» Awa, Misira mansa ka yamɔre don Yusufu bolo Misira jamanɛ kunma ɲɔgɔnna le.

Ko fɔlɔfɔlɛ 41:43 ပူးပေါင်းရင်းမြစ်များ

Ko fɔlɔfɔlɛ 41:42

A ka a la manditɛ sa kurunda bɔɔ a bolo soliŋɛ tɔ, a ka a don Yusufu bolo soliŋɛ tɔ. A ka donfen ɲinma lajigi a ma min be sɔgɔren gese wurundureŋɛ la. A ka sanu kannakɔniŋɛ sa a kaŋɛ tɔ.

Ko fɔlɔfɔlɛ 41:44

Misira mansa mɛn ka a fɔ Yusufu ye, a ko: «I ni a lɔn tun, nde le mu mansa la. Kɔnɔ ka i ma yamɔre dii min ma, a te nɔ fenfen mala Misira jamanɛ tɔ.»

Ko fɔlɔfɔlɛ 42:30

anu ko: «Kaye min mu ɲɔ jamanɛ kunma fɔla la, a ka kuma bɛlɛŋɛnu sɔ le mɔ ma. A mɛn ka mɔ ma a la duge manafigiya mɔgɛnu la.

Ko fɔlɔfɔlɛ 42:33

Kɛ kaye min mu ɲɔ jamanɛ kunma fɔla la, a ka a fɔ le mɔ ye, a ko aa si a lɔn min na ka mɔ mu mɔgɔ telendeŋɛ le la: aa mɔ ni mɔgɔ dɔndɔ to a bolo, mɔ ni dɔmɛ nati mɔ la denbayanu ye min si bɛn anu ye, bayi kɔnkɛ be anu la.

Ko fɔlɔfɔlɛ 42:6

Wo wagate Yusufu le mu jamanɛ kunma fɔlá la. Ale le be dɔmɛ sanna jamanɛ mɔgɛ bɛ ma. Yusufu kɔtɔnu nata anu majigi a ye, anu kimisirinta a ye han anu ka anu tindɛ sɔ duge tɔ.

Ko fɔlɔfɔlɛ 45:26

Anu to ka a fɔ Yaguba ye, anu ko: «Han bi Yusufu be baluren, ale le be Misira jamanɛ bɛ kunma fɔla yati», Yaguba ka a mɔdɛ, bayi a bele laaren anu la kuma la.

Ko fɔlɔfɔlɛ 45:8

Awa, wole le ma n nati yan, Ala le ka n nati. Ale le ka n ma Misira mansa kɛnna sɔla la, a ka n ma a la mansa boŋɛ kuŋɛ la. Nde le mu Misira duge bɛ kunma fɔla la.

Ko fɔlɔfɔlɛ 50:18

A kɔtɔnu faŋɛ nata anu boeta a kɛn kɔtɔ, anu ka a fɔ: «Mɔle len ka, i la joŋɛnu.»

Ko fɔlɔfɔlɛ 50:9

Yusufu nun sarɛtinu anun soo laborilanu tugun tagata. Wo koe mata jama banba le la han a tanbita a tɔ.

Kiilanu 7:10

Wo butɔ, a ka a bɔɔ a tɔɔrɔ koe bɛ tɔ. A ka a ma hakkilima la, a mɛn ka a la ko ladiya Firauna ye, Misira mansa. Wo ka a sɔ kɛnnasɔla la Misira jamanɛ kunma, a mɛn ka a ma a la boŋɛ butɔ kunma fɔla la.

Filipi 2:10

Wolo si a ma, bɛ ni kimisirin a kɛn kɔtɔ: minnu be saŋɛ tɔ, minnu be duge kunma, minnu be duge kɔtɔ, anu bɛ ni biliya dii Isa tɔgɛ ma.