Ko fɔlɔfɔlɛ 3:20 - Ala la kitabuenu Mɔgɔfin kuma tɔ

²⁰ Adama ka a la muse tɔgɔ sa Hawa, bayi ale le mata adamadeŋɛ bɛ nɛɛnɛ la.

Ko fɔlɔfɔlɛ 3:20 ပူးပေါင်းရင်းမြစ်များ

Ko fɔlɔfɔlɛ 16:11

Alatala la maleka ka a fɔ tugun, a ko: «I be bue le fɛ ka. I si naa den kayireŋɛ sɔtɔ, i ni a tɔgɔ sa Isumayila, bayi maluya min be sigiren i ma, Alatala bata i kulɛ mɔɛ.

Ko fɔlɔfɔlɛ 2:20

A ka kolofeŋɛnu bɛ tɔgɔ sa, anun kondeŋɛnu minnu bɛ be kantɔ, anun burun butɔ subenu bɛ. Kɔnɔ wo ka a taran, Adama ma a dɛmanna sɔtɔ, a nun min si bɛn ɲɔgɔn ma.

Ko fɔlɔfɔlɛ 2:23

Adama to ka muse yen, a ko: «Ha, kɔtɛ n ɲɔgɔn de mu kɛ la, a kole bɔɔren n kolenu le tɔ, a bale bɔɔren n bale le ma. A tɔgɔ be sala le ‹Muse› bayi a be bɔɔren kaye le tɔ.»

Ko fɔlɔfɔlɛ 3:21

Marigi Alatala ka bole donu tabɛn a ka a ma doroki banbanu la, a ka wo lajigi Adama nun a la muse ma.

Ko fɔlɔfɔlɛ 35:18

Rakeli bata a lɔn a be fagala le, a be a nɛ makɛlɛla tɛmuɛ min tɔ, a ka a la deŋɛ tɔgɔ sa Bɛn Oni, wo be a fɔren de «Ɲagankata deŋɛ». Kɔnɔ a baaba kan ka a kele Bunyamin «Bolo ɲinma deŋɛ».

Ko fɔlɔfɔlɛ 5:29

A ka a tɔgɔ sa Nuha, a ko: «Alatala ka duge barikɛ bɔɔ, a ka mɔ sɔ wali bɛlɛŋɛ la anun tɔɔrɛ. Kɔnɔ kɛ deŋe le be mala mɔ juse makimala la wo wali bɛlɛŋɛ tɔ.»

Hɔrɔya 2:10

Bɔɔbɛ la koloyareŋɛ, muse ka a nati Misira mansa la den musereŋɛ ye, wo ka a jigan a ka a ma a la deŋɛ la. A ka a tɔgɔ sa Musa, bayi a ko: «N ka a bɔɔ je tɔ le.»

Kiilanu 17:26

A ka see bɛ ma benba dɔndɔ le bɔnsɛ la, anu ni sigi duge dula bɛ tɔ, ale yɛtɛ ka anu la simaya nun anu sigidulanu naaniŋɛ sa.

1 Samiyɛli 1:20

wo saŋɛ butɔ le, Hana ka bue labɛn, a nata den kayireŋɛ sɔtɔ. Wo butɔ, a ko: «N to bata Alatala táran kɛ deŋɛ la ko la, wolo mu n be a tɔgɔ sala ‹Samiyɛli›.»