Ko fɔlɔfɔlɛ 29:13 - Ala la kitabuenu Mɔgɔfin kuma tɔ

¹³ Bɔɔla Laban ka a barenmuse la den Yaguba la ko mɔɛ, a borita a tagata a labɛn. A la kereŋɛ a ma, a ka a bolenu milimili a kaŋɛ la a ka a sunbu, a ka a doni a bata. Yaguba ka koe bɛ dantɛgɛ Laban ye.

Ko fɔlɔfɔlɛ 29:13 ပူးပေါင်းရင်းမြစ်များ

Ko fɔlɔfɔlɛ 24:29

Rebeka kɔtɔ kayima do be ɲɔ nun, min tɔgɔ Laban. A ka kurunda anun bolokantɔ kurunda yen a dɔgɔ musuma bole tɔ. Rebeka ka dantɛgɛ min sa kaye kumata a ye ki min na, Laban tolo be wo bɛ la. A to ka wo mɔɛ, a borita tagala kaye labɛndula kɔlɔn dala. A to keta ɲɔ, a ka kaye taran sɔren a la ɲɔgɔmɛnu fɛ.

Ko fɔlɔfɔlɛ 24:31

Laban ka a fɔ a ye, a ko: «N baaba, ile min mu Alatala la dubadeŋɛ la, na yan. I be sɔren saa kɔma fenna? N bata yigiya tabɛn i ye, n bata a tabɛn i la ɲɔgɔmɛnu tugun ye.»

Ko fɔlɔfɔlɛ 24:32

Wo butɔ, kaye donta Laban bata. Laban ka ɲɔgɔmɛnu la kote bɛ lajigi, a ka biŋɛ nun ɲagama dii anu ma. A ka je dii kaye ma, anun a kafuɲɔgɛnu, anu ka anu kɛŋɛnu lako.

Ko fɔlɔfɔlɛ 33:4

Esayu borita a tagata Yaguba labɛn, a milinta a ma, a giripɛta a kaŋɛ ma a ka a masunbu. Anu fila bɛ dita.

Ko fɔlɔfɔlɛ 45:15

A ka a kɔtɔnu bɛ masunbu a be dila. Wo bɛ labandeŋɛ le, jɔnɔn a nun a baaba dɔndɛnu fɔlɔta da masarala.

Hɔrɔya 18:7

Awa, Musa bɔɔta a bitaŋɛ labɛndula, a kimisirinta, a ka a masunbu. Anu ka ɲɔgɔn makende sa, anu naata don tantaa kɔtɔ.

Hɔrɔya 4:27

Alatala ka a fɔ Harona ye: «Taga Musa labɛn dula janfue tɔ.» A tagata, a bɛnta Musa la Ala la kɔnkɛ tabɛŋɛ tɔ, anu milimilita ɲɔgɔn ma.

Luki 7:45

I ma n sunbu kɔntɔre la, kɔnɔ ale kan bɔɔla a donta yan, a ma n kɛŋɛnu sunbu koe boloka.

Kiilanu 20:37

Wo kɔma, anu bɛ bakkuta dila koola, anu ka anu bole milin Pɔlu kaŋɛ la, anu tota a sunbula.