Ko fɔlɔfɔlɛ 29:10 - Ala la kitabuenu Mɔgɔfin kuma tɔ

¹⁰ Yaguba ka a kau Laban na den musereŋɛ Rakeli yen tɛmuɛ min tɔ, anun Laban na kolofeŋɛnu, a tagata kure latallɛ a ka a bɔɔ kɔlɔŋɛ da la, a ka je dii a kau la kolofeŋɛnu ma.

Ko fɔlɔfɔlɛ 29:10 ပူးပေါင်းရင်းမြစ်များ

Ko fɔlɔfɔlɛ 29:11

Yaguba milinta Rakeli ma, a dita koola.

Ko fɔlɔfɔlɛ 29:9

Yaguba nun kolofen kantalanu be kumala tɛmuɛ min tɔ, Rakeli nata a baaba la kolofeŋɛnu fɛ. Ale tugun mu kolofen kantalá le la.

Hɔrɔya 2:16

Wo ka a taran, Madiyana sarika lakelá be ɲɔ min tɔgɔ Yetoro, den musereŋɛ mɔgɔ wɔrɔwila le be a bolo. Wonu nata ji soridula wo lun, anu ni kolofeŋɛnu la ji minfeŋɛnu lafa, alako ka je dii anu baaba la kolofeŋɛnu ma.

Hɔrɔya 2:17

Kɔnɔ kolofen kantalá donu nata, anu ka anu bee. Wo butɔ, Musa wulita a ka wo den musereŋɛnu dɛman, a naata na je dii anu la kolofeŋɛnu ma.