Ko fɔlɔfɔlɛ 28:20 - Ala la kitabuenu Mɔgɔfin kuma tɔ

²⁰ Yaguba ka lahire jigan Ala ye, a ko: «Ka Ala tota n fɛ, a ka n natanga n na kɛ tagamaŋɛ tɔ, a ka dɔmɛ dii n ma, a ka n fetibɔ,

Ko fɔlɔfɔlɛ 28:20 ပူးပေါင်းရင်းမြစ်များ

Ko fɔlɔfɔlɛ 28:15

I tolomasɔ, i be tagala kan do kan, n si to le i fɛ n ni i latanga. N si i talasaagi kɛ duge tɔ. N te bɔɔ i kɛnna feu. N bata lahire min jigan i ye, n si a bɛ ma le.»

Ko fɔlɔfɔlɛ 31:13

Nde le mu Ala la min bɔɔta i ma Betɛli, i ka kure sigi manditɛ la ka min na, i ka lahire jigan n ɲɛ ɲɔ. Kɔtɛ, wuli, i ni bɔɔ kɛ duge tɔ, i ni saagi i sɔtɔ duge tɔ.› »

Ko fɔlɔfɔlɛ 35:3

Wo tabɛn wo mɔ ni ma Betɛli. N ni taga sarika bintandula ɲiɲa Ala ye ɲɔ. N be kɔntɔfile tɔ tɛmuɛ min tɔ, Ala ka n kulɛ mɔɛ. N tagamanta dula min bɛ tɔ, Ala tota n fɛ.»

Yaya 1:16

Ale be faren min na, mɔ bɛ bata wo do sɔtɔ, a ɲan ka barikɛ do sa barikɛ do kunma.

Kiilanu 18:18

Awa wo kɔma, Pɔlu ka tele siyama tugun ma ɲɔ. A saarata ɲɔ nɛɛnɛdɔndɛnu la wagate min tɔ, a nun Pirisila anun Akila jigita kulun banba butɔ, tagala Siri jamanɛ mafanna. Wo ka a taran, a bata a kuŋɛ si Sankareya bakkidala, bayi a ka lahire jigan nun Ala ye.

1 Samiyɛli 1:11

A ka lahire jigan Alatala ye, a ko: «Alatala dunuya bɛ da Mansa, nde i la jon muse be tɔɔrɛ min tɔ, i ni i ɲa lajigi n ma, i ni n na ko talɔn, i kana ɲina nde i la jon muse ma. Ka i ka den kayiren dɔndɔ dii nde i la jon muse ma, n si a dii le i ma a la simaya bɛ butɔ. A kuŋɛ te sii ma.»

1 Samiyɛli 1:28

Nde tugun be diren n ni a dii Alatala ma. A la simaya bɛ butɔ, a be tola Alatala le sagoe tɔ.» A la wo kuma fɔreŋɛ kɔma, anu sujuduta Alatala ye.

1 Samiyɛli 14:24

Isirayila kaanu be lakɛtɛnden nun wo lun koola, bayi Sayulu bata kɛ dankare ma jama bɛ ɲala, a ko: «Danka be mɔgɛ ye min yo ka a daɲini han wura la, han n ni n tɛŋɛ yɔgɔ n jaguenu ma.» Jama hali mɔgɔ dɔndɔ ma dɔmɛ nɛmunɛmu.