Ko fɔlɔfɔlɛ 28:14 - Ala la kitabuenu Mɔgɔfin kuma tɔ

¹⁴ I bɔnsɛnu si naa siya iko mɛɲɛŋɛ min be duge tɔ. Wo la duge si naa koloya le ka bɔɔ tele yɛlɛ han tagala sigila tele jige la, anun bolo ɲinma nun bolo mara. See bɛ si hɛra sɔtɔ i nun i bɔnsɛ fɛ.

Ko fɔlɔfɔlɛ 28:14 ပူးပေါင်းရင်းမြစ်များ

Ko fɔlɔfɔlɛ 12:3

Mɔgɔ yo mɔgɔ be dubala i ye, n si barikɛ sa le wo tigi la ko tɔ; mɔgɔ yo mɔgɔ ka i danka n si danka lasaagi le wo tigi ma. Dunuya see bɛ si hɛra sɔtɔ i fɛ.»

Ko fɔlɔfɔlɛ 13:14

Luti nun Iburama la fatandeŋɛ kɔma, Alatala ka a fɔ Iburama ye, a ko: «I ɲa lataga ka bɔɔ i be ka min na ka. I ni bolo ɲinma mafanna fɛlɛ anun bolo mara, anun tele yɛlɛ mafanna anun tele jige.

Ko fɔlɔfɔlɛ 13:15

Bayi i ɲa be duge min bɛ la ka, n si wo bɛ dii i nun i bɔnsɛnu ma, a ni ma wo tɛŋɛ la kudai.

Ko fɔlɔfɔlɛ 13:16

N si i bɔnsɛ lasiya iko mɛɲɛŋɛ min be duge tɔ. Ka mɔgɔ si nɔ mɛɲɛŋɛ kɔntila, i bɔnsɛ tugun si kɔnti le.

Ko fɔlɔfɔlɛ 18:18

Bayi ale le si naa ma jama banba tige la, sɛnbɛ be min na. Ale la ko sabu si a ma le dunuya bɔnsɛ bɛ ni hɛra sɔtɔ.

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 22:18

I bata n na kuma bita, dunuya mɔgɛ bɛ be hɛra sɔtɔla ile le bɔnsɛnu fɛ.»

Ko fɔlɔfɔlɛ 26:4

N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Ko fɔlɔfɔlɛ 32:12

N bata i táran, i ni n natanga n kɔtɔ Esayu ma, bayi n bata kilan a la. N be kilanden de a kana na n kɛlɛ a ni n na denbayanu tugun faga.

Ko fɔlɔfɔlɛ 48:16

Ile min mu maleka la, i ka n bɔɔ ko bɛlɛŋɛ tɔ, ile Ala ni hɔrɔma to kɛ deŋɛnu la ko tɔ. Anu ni anu kele nde tɔgɛ la, anun n mankayi Iburahima nun n baaba Isiyaka tɔgɛ la. Anu ni jiidi jamanɛ butɔ koola.»

Ko fɔlɔfɔlɛ 48:19

A baaba ma sɔn, a ka a fɔ: «N ka a lɔn, n na deŋɛ, n ka a lɔn. Ale tugun be naala mala bɔnsɔ siyama tige le la. Ale tugun si siya le, kɔnɔ a dɔgɛ le si naa fisaya siyala ale ko. A dɔgɛ bɔnsɛ si naa ma le sii siyama tige la.»

Hɔrɔya 32:13

I ni lahire talɔn i ka min kiti i nun i la jondeŋɛnu Iburahima nun Isiyaka nun Yaguba tɛma, i ka i lakali i yɛtɛ tɔgɛ la, i ka a fɔ anu ye: ‹N si wo bɔnsɛ lasiya le iko loolenu be siyaren ki min na kantɔ. N ka duge min na ko lahire jigan wo bɔnsɛ ye, n si a dii le anu ma, a ni ma anu tɛŋɛ la kudai.› »

Kiilanu 3:25

Awa, nabiyonmɛnu la deŋɛnu le mu wole la. Ala ka lahire min nakoti anun wo benbanu tɛma, a ka a lakiti wole tugun ye a to ka a fɔ Iburahima ye, a ko: ‹Dunuya see bɛ si hɛra sɔtɔ le i bɔnsɛ sabu la.›