Ko fɔlɔfɔlɛ 26:4 - Ala la kitabuenu Mɔgɔfin kuma tɔ

⁴ N si i bɔnsɛ lasiya iko loolenu be siyaren ki min na kantɔ, n si wo duge bɛ dii anu ma. Dunuya mɔgɛ min bɛ be duge kunma, a bɛ si hɛra sɔtɔ i bɔnsɛnu fɛ,

Ko fɔlɔfɔlɛ 26:4 ပူးပေါင်းရင်းမြစ်များ

Ko fɔlɔfɔlɛ 13:16

N si i bɔnsɛ lasiya iko mɛɲɛŋɛ min be duge tɔ. Ka mɔgɔ si nɔ mɛɲɛŋɛ kɔntila, i bɔnsɛ tugun si kɔnti le.

Ko fɔlɔfɔlɛ 15:18

Wo lun yɛtɛ, Alatala ka lahire jigan a nun Iburama tɛma, a ka a fɔ a ye, a ko: «N si naa kɛ duge dii i bɔnsɛ ma, ka bɔɔ Misira kɔɛɛ ma, tagala han kɔɔ banba ma, min mu Efirati kɔɛɛ la.

Ko fɔlɔfɔlɛ 15:5

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Ko fɔlɔfɔlɛ 18:18

Bayi ale le si naa ma jama banba tige la, sɛnbɛ be min na. Ale la ko sabu si a ma le dunuya bɔnsɛ bɛ ni hɛra sɔtɔ.

Ko fɔlɔfɔlɛ 26:24

Alatala ka a yɛtɛ labɔɔ a ma wo sue tɔ, a ka a fɔ a ye, a ko: «Nde le mu i baaba Iburahima la Ala la; N be i fɛ, wo butɔ, i kana kilan. N si barikɛ sa i la ko tɔ n ni i bɔnsɛ lasiya, n na jondeŋɛ Iburahima la ko la.»

Ko fɔlɔfɔlɛ 28:14

I bɔnsɛnu si naa siya iko mɛɲɛŋɛ min be duge tɔ. Wo la duge si naa koloya le ka bɔɔ tele yɛlɛ han tagala sigila tele jige la, anun bolo ɲinma nun bolo mara. See bɛ si hɛra sɔtɔ i nun i bɔnsɛ fɛ.

Ko fɔlɔfɔlɛ 28:3

Ala mu barikɛ sala i la ko tɔ, Ala sɛnbɛ tige, a ni den siyama dii i ma, a ni i bɔnsɛ lasiya i ni ma jama siyama benba la.

Ko fɔlɔfɔlɛ 35:12

N ka duge min dii Iburahima nun Isiyaka ma, n si a dii le i ma. Ile tanbi kɔma n si naa a dii i bɔnsɛ tugun ma.»

Ko fɔlɔfɔlɛ 47:27

Yaguba bɔnsɛ sabatita Misira jamanɛ tɔ, Gosɛn duge tɔ. Wo duge mata anu tɛŋɛ la. Anu jiidita, anu siyata han.

Hɔrɔya 32:13

I ni lahire talɔn i ka min kiti i nun i la jondeŋɛnu Iburahima nun Isiyaka nun Yaguba tɛma, i ka i lakali i yɛtɛ tɔgɛ la, i ka a fɔ anu ye: ‹N si wo bɔnsɛ lasiya le iko loolenu be siyaren ki min na kantɔ. N ka duge min na ko lahire jigan wo bɔnsɛ ye, n si a dii le anu ma, a ni ma anu tɛŋɛ la kudai.› »

Hɔrɔya 6:4

N mɛn ka n na lahire tugun kiti nde nun anu tɛma, n si naa Kanana duge dii anu ma, anu ka anu la simaya takuntu luntanya la ka min na.

Kiilanu 3:25

Awa, nabiyonmɛnu la deŋɛnu le mu wole la. Ala ka lahire min nakoti anun wo benbanu tɛma, a ka a lakiti wole tugun ye a to ka a fɔ Iburahima ye, a ko: ‹Dunuya see bɛ si hɛra sɔtɔ le i bɔnsɛ sabu la.›