Ko fɔlɔfɔlɛ 25:23 - Ala la kitabuenu Mɔgɔfin kuma tɔ

²³ Alatala ka a fɔ a ye, a ko: «Sii fila be i bue tɔ, bɔnsɔ fila si bɔɔ i tɔ, minnu te bɛn. Dɔndɛ sɛnbɛ si koloya dɔndɛ ko, kinama si naa ma dɔgɔmaŋɛ la joŋɛ la.»

Ko fɔlɔfɔlɛ 25:23 ပူးပေါင်းရင်းမြစ်များ

Ko fɔlɔfɔlɛ 17:16

N si barikɛ sa ale la ko tɔ. A si naa den kayireŋɛ sɔtɔ i ye. N si barikɛ sa a la ko tɔ, a ni ma bɔnsɔ siyama benba la. Jama siyama la mansa banbanu si bɔɔ a bɔnsɛ tɔ.»

Ko fɔlɔfɔlɛ 17:4

«N be lahire min tola mɔ tɛma, wolo mu kɛ la: i si ma bɔnsɔ siyama benba la.

Ko fɔlɔfɔlɛ 24:60

Rebeka la mɔgɛnu dubata a ye, anu ko: «Mɔ barenmuse, Ala mu a mala i bɔnsɛ ni siya a ni ma mɔgɔ wulu siyama siyama la. I bɔnsɛ ni nɔ sɔtɔ mɔgɛnu ma, minnu be i kɔnna.»

Ko fɔlɔfɔlɛ 25:24

Rebeka den sɔtɔ luŋɛ to keta, a lɔnta le yati Rebeka ka fɛrɛŋɛnu sɔtɔ.

Ko fɔlɔfɔlɛ 25:27

Wo den kayireŋɛnu koloyata. Esayu mata waaɲɛmalá fatima la, wula butɔ diyata a ye. Yaguba kan mata mɔgɔ makimareŋɛ la, ale be kɛnɛ sigila tantanu kɔtɔ le.

Ko fɔlɔfɔlɛ 27:29

Ala mu bɔnsɛnu bɛ tola i la nɔɛ kɔtɔ. Ala mu a mala see bɛ ni a majigi i ye, i ni ma i baaba dɔndɛnu kuŋɛ la, anu ni anu majigi i ye. Mɔgɔ yo ka i danka, dankare ni saagi a ma, mɔgɔ yo dubata i ye wo tigi tugun ni duba sɔtɔ.»

Ko fɔlɔfɔlɛ 27:33

Wo ka Isiyaka mafu, a bale sɛrɛnta a ma sɛnbɛ la. A ka ɲininkare ma, a ko: «Ɲɔmɔ le tagata sube faga a nata a sigi n kɛn kɔtɔ? Yannun i ni na, n ka wo dɔmɛ dɔmɔ n dubata a tigi ye. Ale le be wo duba sɔtɔla.»

Ko fɔlɔfɔlɛ 27:37

Isiyaka ka a jaabi, a ko: «I tolomasɔ, n bata ale ma kuŋɛ la ile kunma. N mɛn bata a nɛɛnɛdɔndɛnu bɛ ma a la joŋɛ la. N bata tɔnɛ nun beere je siyama duba ma a ye. N na den kayireŋɛ, n be fen de duba mala i ye bitugun?»

Ko fɔlɔfɔlɛ 27:40

I si i balue sɔtɔ i la faŋɛ la kɛlɛ tɔ. I si to i dɔgɔ kayima la nɔɛ kɔtɔ. Kɔnɔ ka a bɛlɛyata, i si i kuŋɛ kata a la nɔɛ kɔtɔ.»

Ko fɔlɔfɔlɛ 32:6

Ningenu be n bolo, anun sofalenu, anun saakanu, anun baanu. Jon kayenu anun jon musenu tugun be n bolo. N be kiilanu lasanbaren i ma wolo la, anu ni na wo fɔ i ye, n tige, alako i ni n mabita a ɲinma la.»

Ko fɔlɔfɔlɛ 33:3

Ale yɛtɛ tanbita anu ɲatɔ. Yannun a ni ke a kɔtɔ ma, a tagata a majigila duge tɔ kunɲama wɔrɔwila.

Ko fɔlɔfɔlɛ 36:31

Mansanu tɔgɛnu le ka minnu ka mansaya ma Edɔmi duge tɔ yannun mansa do ni sɔ bani Isirayila kaanu kunma:

Ko fɔlɔfɔlɛ 48:19

A baaba ma sɔn, a ka a fɔ: «N ka a lɔn, n na deŋɛ, n ka a lɔn. Ale tugun be naala mala bɔnsɔ siyama tige le la. Ale tugun si siya le, kɔnɔ a dɔgɛ le si naa fisaya siyala ale ko. A dɔgɛ bɔnsɛ si naa ma le sii siyama tige la.»

1 Samiyɛli 17:14

Dauda le mu anu bɛ la dendeŋɛ la. Wo mɔgɔ saba to tagata Sayulu la sɔɔrenu tɛma,