Ko fɔlɔfɔlɛ 25:20 - Ala la kitabuenu Mɔgɔfin kuma tɔ

²⁰ Isiyaka la sɔtɛ ka san bi naani bɔɔ tɛmuɛ min tɔ, a ka Rebeka futu. Rebeka baaba le mu Betuyɛli la. Rebeka kɔtɔ kayima le mu Laban na, anu mu Arami kaanu le la: anu be bɔɔren Padan-Arami jamanɛ tɔ le.

Ko fɔlɔfɔlɛ 25:20 ပူးပေါင်းရင်းမြစ်များ

Ko fɔlɔfɔlɛ 22:23

Betuyɛli la den musereŋɛ le Rebeka la. Milika ka wo den kayiren sagiŋɛ le sɔtɔ Iburahima dɔgɔ Nakɔri ye.

Ko fɔlɔfɔlɛ 24:15

Yannun a ni Ala mataraŋɛ ban, Rebeka nata ji soridula, a la dunbe be a gabakunkuŋɛ tɔ. Rebeka mu Betuyɛli la den musereŋɛ le la. Betuyɛli nɛɛnɛ le Milika la. A baaba mu Nakɔri la. Nakɔri nun Iburahima mu baaba dɔndɔma le la.

Ko fɔlɔfɔlɛ 24:29

Rebeka kɔtɔ kayima do be ɲɔ nun, min tɔgɔ Laban. A ka kurunda anun bolokantɔ kurunda yen a dɔgɔ musuma bole tɔ. Rebeka ka dantɛgɛ min sa kaye kumata a ye ki min na, Laban tolo be wo bɛ la. A to ka wo mɔɛ, a borita tagala kaye labɛndula kɔlɔn dala. A to keta ɲɔ, a ka kaye taran sɔren a la ɲɔgɔmɛnu fɛ.

Ko fɔlɔfɔlɛ 24:67

Isiyaka ka Rebeka doni a nɛɛnɛ la tanta tɔ. A ka Rebeka jigan, a mata a la muse la. Isiyaka ka a kanu. A mata sabu la, wo ka nɛɛnɛ sɔgɛ bɔɔ Isiyaka ma, a nɛɛnɛ la fagareŋɛ kɔma.

Ko fɔlɔfɔlɛ 25:26

Wo kɔma, a dɔgɔ kayima sɔtɔta, a be a kɔtɔ kayima tingiliŋɛ bitaren a bole la: anu ka a tɔgɔ sa Yaguba. Rebeka ka anu sɔtɔ tɛmuɛ min tɔ Isiyaka ye, wo ka a taran Isiyaka la simaya bata san bi wɔɔrɔ bɔɔ.

Ko fɔlɔfɔlɛ 27:43

N na den, i tolomasɔ n kulɛ la. Bori teriya la, i ni taga Haran saa tɔ, n barenkaye Laban bata.

Ko fɔlɔfɔlɛ 28:2

Wuli, i ni taga i mankayi Betuyɛli bata, Padan-Arami jamanɛ tɔ, i ni i kau Laban na den musereŋɛ do futu.

Ko fɔlɔfɔlɛ 28:7

Esayu mɛn ka a mɔɛ Yaguba ka a baaba nun a nɛɛnɛ la kuma bita a ni taga Padan-Arami jamanɛ tɔ;

Ko fɔlɔfɔlɛ 31:18

A ka kolofeŋɛ nun harige min bɛ sɔtɔ Padan-Arami, a ka a bɛ jigan, a ka kila bita saagila a baaba Isiyaka bata, Kanana duge tɔ.

Ko fɔlɔfɔlɛ 31:20

Yaguba tugun ka Laban Arami kaa janfa. A borita, a ma saara a la.

Ko fɔlɔfɔlɛ 31:24

Kɔnɔ sue tɔ, Ala ka a yɛtɛ labɔɔ Laban Arami kaa ma, kiboe tɔ. A ka a fɔ a ye, a ko: «I yɛtɛ latanga Yaguba ma koe mɔɔle bɛ fɔ koe la.»

Ko fɔlɔfɔlɛ 33:18

Yaguba la bɔɔreŋɛ Padan-Arami, a tagata han a keta Sisɛmu saa tɔ, Kanana duge tɔ, a be kendeyaren. A ka a la tanta lafonti saa tele yɛlɛ tɔ.

Ko fɔlɔfɔlɛ 35:26

Leya tugun na jon muse Silipa ka Gadi nun Aseri sɔtɔ a ye. Awa, Yaguba ka kɛ den kayireŋɛnu le sɔtɔ Padan-Arami.

Ko fɔlɔfɔlɛ 35:9

Ala mɛn ka a yɛtɛ labɔɔ Yaguba ma a la nareŋɛ kabɔɔ Padan-Arami, a ka barikɛ sa a la ko tɔ,

Ko fɔlɔfɔlɛ 46:15

Deŋɛnu le ka, Leya ka minnu sɔtɔ Yaguba ye Padan-Arami. A la den kayireŋɛnu anun den musereŋɛnu, a bɛ kɔnte labɛndeŋɛ mɔgɔ bi saba nun saba. A ka a la den musereŋɛ Dina tugun sɔtɔ wo kunma.

Luki 4:27

Baliwulentɔɛ siyama tugun be bani Isirayila mɔgɛnu tɛma, annabi Eliyasa tɛmuɛ, kɔnɔ hali dɔndɔ ma saniyan wonu tɛma, fɔ Naaman pɛti min bɔɔta Siri jamanɛ tɔ.»