Ko fɔlɔfɔlɛ 25:2 - Ala la kitabuenu Mɔgɔfin kuma tɔ

² Ketura ka den kayireŋɛnu minnu sɔtɔ Iburahima ye, anu tɔgɛ le ka: Simiran, Yokisan, Medan, Madiyan, Yisibaki, anun Suwa.

Ko fɔlɔfɔlɛ 25:2 ပူးပေါင်းရင်းမြစ်များ

Ko fɔlɔfɔlɛ 25:1

Iburahima ka muse do tugun futu, a tɔgɔ Ketura.

Ko fɔlɔfɔlɛ 25:3

Yokisan tugun ka den kayiren fila sɔtɔ. Wonu tɔgɔ Seeba nun Dedan. Dedan bɔnsɛnu mata Asuri kaanu la, anun Letusi kaanu anun Lemi kaanu.

Ko fɔlɔfɔlɛ 36:35

Husan to fagata, Bedadi la den Hadadi min ka sɛnbɛ sɔtɔ Madiyan kaanu kunma, Mowaba duge tɔ, a sɔta a faliŋɛ la. A la saa tɔgɔ be fɔla le Awiti.

Ko fɔlɔfɔlɛ 37:28

Julanu minnu be bɔɔren Madiyana jamanɛ tɔ, anu tanbi tɛmuɛ, Yusufu kɔtɔnu ka a sabaa anu ka a layɛlɛ kɔlɔŋɛ tɔ. Anu ka a mayita kaalisi kole mugan na, Isumayila bɔnsɛnu ma, wonu ka a doni Misira.

Ko fɔlɔfɔlɛ 37:36

Madiyana julanu ka Yusufu mayita Misira jamanɛ tɔ Potifari ma, Misira mansa ka kaye min sɔ a la boŋɛ mɔgɛ bɛ kunma, a kantalanu kuŋɛ.