Ko fɔlɔfɔlɛ 25:11 - Ala la kitabuenu Mɔgɔfin kuma tɔ

¹¹ Iburahima la faga kɔma, Ala ka barikɛ sa a la den kayireŋɛ Isiyaka la ko tɔ, wo be sigiren nun Lahayi-Royi kɔlɔŋɛ kɛnna le.

Ko fɔlɔfɔlɛ 25:11 ပူးပေါင်းရင်းမြစ်များ

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 12:3

Mɔgɔ yo mɔgɔ be dubala i ye, n si barikɛ sa le wo tigi la ko tɔ; mɔgɔ yo mɔgɔ ka i danka n si danka lasaagi le wo tigi ma. Dunuya see bɛ si hɛra sɔtɔ i fɛ.»

Ko fɔlɔfɔlɛ 16:14

Hagara taranta sigiren tenge min dala, anu ka wo tenge tɔgɔ sa: «Ala min be baluren, min ɲa be n na, a la tenge.» Ɲɔ be Kadesi saa nun Barɛdi saa le tɛma.

Ko fɔlɔfɔlɛ 17:19

Ala ka a jaabi, a ko: «Ade, i la musu Sara tugun si naa den kayireŋɛ sɔtɔ i ye, i si naa a tɔgɔ sa Isiyaka. N be n na lahire lasabatila nde nun ale le tɛma, anun a bɔnsɛnu minnu sɔtɔla a faga kɔma. Wo ni ma mɔ tɛma lahiri banbale la.

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 24:35

Alatala bata barikɛ sa n tige la ko tɔ koola han a ka a ma banná la. A bata saakanu anun baanu anun ningenu dii a ma, anun kaalise nun sanuɛ, anun jon kayenu, anun a musenu, anun ɲɔgɔmɛnu, anun sofalenu.

Ko fɔlɔfɔlɛ 24:62

Wo ka a taran, Isiyaka bata bɔɔ Lahayi-Royi kɔlɔŋɛ dula. A tagata Negɛwu duge tɔ a sabatita ɲɔ.

Ko fɔlɔfɔlɛ 26:12

Wo saŋɛ la, Isiyaka ka sɛnɛ sa wo jamanɛ tɔ. Alatala ka barikɛ sa a la sɛnɛ tɔ: a ka min sɛnɛ a ka wo ɲɔgɔn kɛmɛ tɛgɛ.

Ko fɔlɔfɔlɛ 26:3

I si wagati do latanbi kɛ jamanɛ tɔ. N si to i fɛ n ni barikɛ sa i la ko tɔ. N si wo dula bɛ dii i nun i bɔnsɛnu ma, alako n ni n na lahire dalafa, n ka n kali min na i baaba Iburahima ye.

Ko fɔlɔfɔlɛ 50:24

Yusufu ka a fɔ a baaba dɔndɛnu ye: «Nde tugun be faga da le tɔ. Kɔnɔ wo ni laa a la, Ala si hinnɛ le wo la. A si naa wo jigan de Misira, a ni wo doni duge tɔ, a ka a kali lahire min jigan koe la Iburahima nun Isiyaka nun Yaguba ye.»