Ko fɔlɔfɔlɛ 24:14 - Ala la kitabuenu Mɔgɔfin kuma tɔ

¹⁴ N si naa a fɔ den museren dɔndɔ ye a ni a la dunbe lajigi a ni n kɔ je la, n ni a min. Ka a tagata taran, wo ka n jaabi a ka a fɔ, a ko: ‹A min, n ni i la ɲɔgɔmɛnu tugun kɔ›, wo den musereŋɛ le si naa ma i la jon kaye Isiyaka la muse la. I ka mamasubɛ min ma, n si a lɔn de wo tɔ ka a fɔla i bata hinnɛ n tige Iburahima la.»

Ko fɔlɔfɔlɛ 24:14 ပူးပေါင်းရင်းမြစ်များ

Ko fɔlɔfɔlɛ 15:8

Iburama ka a jaabi, a ko: «N Marigi Alatala, n si a lɔn kama le kɛ duge si ma n tɛŋɛ la?»

Ko fɔlɔfɔlɛ 24:13

N bata sɔ kɔlɔŋɛ kɛnna yan, saa butɔ den musereŋɛnu si na ji soridula.

Ko fɔlɔfɔlɛ 24:15

Yannun a ni Ala mataraŋɛ ban, Rebeka nata ji soridula, a la dunbe be a gabakunkuŋɛ tɔ. Rebeka mu Betuyɛli la den musereŋɛ le la. Betuyɛli nɛɛnɛ le Milika la. A baaba mu Nakɔri la. Nakɔri nun Iburahima mu baaba dɔndɔma le la.

Ko fɔlɔfɔlɛ 24:18

Den musereŋɛ ka a la dunbe lajigi kisanna, a ka a hibbɛ a ma, a ko: «N baaba, na a min.» A ka kaye kɔ je la, a ka a min.

Ko fɔlɔfɔlɛ 24:19

A to ka ji miŋɛ ban, den musereŋɛ ko: «Sɔ n ni taga je sori i la ɲɔgɔmɛnu tugun ye, n ni anu kɔ. Anu bɛ ni a min han a ni kun anu ye.»

Ko fɔlɔfɔlɛ 24:43

N be sɔren kɔlɔŋɛ dala yan. Ka den musereŋɛ min nata ji soridula yan, ka n ka a fɔ a ye, n ko: ‹Je min be i la dunbe tɔ, n kɔ wo donden na n ni a min›,

Ko fɔlɔfɔlɛ 24:44

ka a ka n jaabi, a ka a fɔ: ‹Do min n ni taga do tugun nati n ni a dii i la ɲɔgɔmɛnu ma›, n si a lɔn de wo tɛmuɛ Alatala be wo den musereŋɛ le nataren n tige Iburahima la den kayireŋɛ ye.›

1 Samiyɛli 20:7

Ka a ka a fɔ, wo kaɲin, wo be a fɔren de jususa be n ɲɛ, nde i la joŋɛ. Kɔnɔ ka a tagata dumɛn, i si a lɔn wolo la ka a fɔla a be ko koroŋɛ yati le nataren n mafanna.