Ko fɔlɔfɔlɛ 24:12 - Ala la kitabuenu Mɔgɔfin kuma tɔ

¹² A ka Ala mataran, a ko: «Alatala, n tige Iburahima la Ala, n bata i táran, n be kila min kunma bi, i ni wo ladiya i ni hinnɛ n tige Iburahima la.

Ko fɔlɔfɔlɛ 24:12 ပူးပေါင်းရင်းမြစ်များ

Ko fɔlɔfɔlɛ 15:1

Wo koenu tanbi kɔma, Alatala kumata Iburama ye kiboe tɔ, a ko: «Iburama i kana kilan, n si i latanga koe bɛ ma. N si i baraji a banba la.»

Ko fɔlɔfɔlɛ 24:21

Wo kaye ma fenfen fɔ, a sɔta a be wo den musereŋɛ lasagala a wali ɲa ma. A tota a tefila a ni a lɔn ka Alatala bata a la kila ladiya.

Ko fɔlɔfɔlɛ 24:27

a ko: «Alatala, tantue be i ye. N tige Iburahima la Ala, i ma kori hinnɛla n tige Iburahima la. I ma lahire fulen n tige Iburahima ye lannanteya butɔ, bayi n na tagamaŋɛ butɔ, ile Alatala ka n kun sɔ kan do le la, ka min mu n tige Iburahima dɔgɛ bata la.»

Ko fɔlɔfɔlɛ 24:42

Wolo mu, n to keta kɔlɔŋɛ dala bi, n ka Ala mataran, n ko: ‹Alatala, n tige Iburahima la Ala, yandi i ni n na kila ladiya.

Ko fɔlɔfɔlɛ 24:48

N kimisirinta Alatala ye, n ka n majigi. N ka Alatala tantu, n tige Iburahima la Ala, bayi a bata n sɔ kila telendeŋɛ tɔ, alako n ni n tige dɔgɛ la den musereŋɛ futu a la den kayireŋɛ ye.

Ko fɔlɔfɔlɛ 26:24

Alatala ka a yɛtɛ labɔɔ a ma wo sue tɔ, a ka a fɔ a ye, a ko: «Nde le mu i baaba Iburahima la Ala la; N be i fɛ, wo butɔ, i kana kilan. N si barikɛ sa i la ko tɔ n ni i bɔnsɛ lasiya, n na jondeŋɛ Iburahima la ko la.»

Ko fɔlɔfɔlɛ 27:10

I ni a doni i baaba ye, a ni a dɔmɔ alako a ni duba i ye yannun a be fagala.»

Ko fɔlɔfɔlɛ 27:20

Isiyaka ka a fɔ a la den kayireŋɛ ye: «N na den, i ka kɛ sube sɔtɔ kama le teriya la?» Yaguba ka a jaabi, a ko: «I Marigi Ala le ka a dii n ma kila kunma.»

Ko fɔlɔfɔlɛ 28:13

A ka a yen, Alatala yɛtɛ le be sɔren a kɛnna, a be kumala a ye: «Nde le mu Alatala la, i mankayi Iburahima la Ala, anun Isiyaka la Ala. I be saren duge min tɔ, n si a dii i nun i bɔnsɛnu ma.

Ko fɔlɔfɔlɛ 31:42

N baaba Isiyaka be kilanden Ala min na, Iburahima Marigi Ala, ka a ma sɔ n fɛ nun, i be n nasaagila n bolo tɛsɛŋɛ le la nun bi. Kɔnɔ Ala bata n na kunmajige yen, anun n be wali bɛlɛŋɛ minnu mala. A ka n na kiite sa kɛ su tanbireŋɛ la.»

Ko fɔlɔfɔlɛ 32:10

Wo kɔma, Yaguba ka Ala mataran, a ko: «N mankayi Iburahima Marigi Ala, anun n baaba Isiyaka Marigi Ala. Ile Alatala, i ka a fɔ le n ɲɛ i ko: aa n ni saagi n na duge tɔ, n bareŋɛnu dula. N tini saagi, i si ko ɲinma ma le n ɲɛ.»

Ko fɔlɔfɔlɛ 32:9

A ka a fɔ a juse tɔ, a ko: «Ka Esayu nata jama dɔndɔ kɛlɛ, jama tɔɛ si nɔ borila.»

Ko fɔlɔfɔlɛ 43:14

Ala mu wo dɛmanna, Ala sɛnbɛ tige, ale kaye ni kinikini wo ma, a ni wo boloka alako wo nun Simeyɔn nun Bunyamin ni nɔ nala. Ka n fota n na deŋɛnu la, awa.»

Hɔrɔya 3:15

Ala mɛn ko Musa ma: «I si a fɔ bani Isirayila kaanu ye, i ko: ‹Alatala, wo benbanu la Ala, annabi Iburahima, anun Isiyaka, anun Yaguba la Ala le be n nasanbaren wo ma.› » Ala mɛn ko Musa ma: «N tɔgɛ le mu ka kudai. N be diren yɛlɛman yo yɛlɛman wo ni n talɔn ɲɔgɔnna le.

Hɔrɔya 3:6

A mɛn ko: «Nde le mu i baaba la Ala la, anun Iburahima la Ala, anun Isiyaka la Ala anun Yaguba la Ala.» Wo butɔ, Musa ka a ɲakɔtɔ dogon, bayi a kilanta a ɲa sɔla Ala la.

Filipi 4:6

Wo kana hanmɛ fenfen na. Kɔnɔ koe bɛ butɔ, wo ni Ala mataran ka a madiya. Wo butɔ, fenfen min sɔgɔ be wo la, wo be wolo dantɛgɛla a ye ka a tantu.