Ko fɔlɔfɔlɛ 22:11 - Ala la kitabuenu Mɔgɔfin kuma tɔ

¹¹ Wo tɛmuɛ le, Alatala la maleka ka Iburahima kele ka bɔɔ saŋɛ tɔ kisanna, a ko: «Iburahima! Iburahima!» Iburahima ko: «Naamu!»

Ko fɔlɔfɔlɛ 22:11 ပူးပေါင်းရင်းမြစ်များ

Ko fɔlɔfɔlɛ 16:7

Alatala la maleka ka Hagara taran tenge do kɛnna janfue butɔ. Wo tenge be Suri kila dala le.

Ko fɔlɔfɔlɛ 21:17

Ala ka deŋɛ diri kulɛ mɔɛ. Ala la maleka kumari kulɛ bɔɔta saŋɛ tɔ, a ka Hagara kele, a ko a ma: «Hagara fen de be maren? I kana kilan, bayi Ala bata i la deŋɛ diri kulɛ mɔɛ bapɛ kɔtɔ.

Ko fɔlɔfɔlɛ 21:18

Wuli, i ni taga deŋɛ lawuli i ni a bole bita, bayi n si naa a ma le jama banba tige la.»

Ko fɔlɔfɔlɛ 22:1

Wo koenu tanbi kɔma, Ala ka Iburahima kele a ka a mafɛlɛ, a ko: «Iburahima.» A ko: «Naamu.»

Ko fɔlɔfɔlɛ 22:10

Wo kɔma, Iburahima ka a bole lafonti a ka mure jigan, a ni a la den kayireŋɛ kan natɛgɛ.

Ko fɔlɔfɔlɛ 22:12

Maleka mɛn ko: «I kana i bole lake deŋɛ ma de! I kana fenfen ma a la. N bata a lɔn kɔtɛ i be kilanden Ala la. Wolo ka a ma i ma balan i la den kayiren dɔndɛ diila n ma.»

Ko fɔlɔfɔlɛ 22:16

Maleka ko: «Alatala la kuma fɔreŋɛ le mu ka, a ko: I ma balan i la den kayiren dɔndɛ diila n ma, wolo mu n bata n kali n yɛtɛ tɔgɛ la.

Ko fɔlɔfɔlɛ 24:7

Alatala min mu saŋɛ tige la, wo ka n nabɔɔ n baaba bata fɔgɛ tɔ, a ka n nabɔɔ n na jamanɛ tɔ. A kumata n ɲɛ, a ka lahire dii n ma a ka a kali, a ko: ‹N si kɛ duge dii i bɔnsɛ ma.› Awa, ale Ala le si naa a la maleka lasanba i ma, a ni sɔ i ɲatɔ, wo butɔ, i si muse sɔtɔ n na den kayireŋɛ ye ɲɔ le.

Ko fɔlɔfɔlɛ 31:11

N na kiboe tɔ, Ala la maleka ka n kele, a ko: ‹Yaguba!› N ka a labita, n ko: ‹Naamu!›

Ko fɔlɔfɔlɛ 37:13

Lun do, Yaguba ka a fɔ Yusufu ye, a ko: «I kɔtɔnu be tagaren kolofeŋɛnu daɲinidula Sisɛmu. Na yan, n ni i kii anu ma.» A ka a fɔ a ye: «Awa.»

Ko fɔlɔfɔlɛ 46:2

Wo sue tɔ, Ala kumata Yaguba ye kiboe tɔ, a ka a fɔ: «Yaguba, Yaguba!» A ka a labita, a ko: «Naamu!»

Ko fɔlɔfɔlɛ 48:16

Ile min mu maleka la, i ka n bɔɔ ko bɛlɛŋɛ tɔ, ile Ala ni hɔrɔma to kɛ deŋɛnu la ko tɔ. Anu ni anu kele nde tɔgɛ la, anun n mankayi Iburahima nun n baaba Isiyaka tɔgɛ la. Anu ni jiidi jamanɛ butɔ koola.»

Hɔrɔya 3:2

Alatala la maleka bɔɔta a ma ɲɔ le kisanna ta mɛlɛŋɛ tɔ bapɛ do tɛma. Musa ka a fɛlɛ, a ka a yen ta be bapɛ ma, kɔnɔ bapɛ kan bele bintanna.

Hɔrɔya 3:4

Alatala to ka a yen Musa be kila bɔɔla a ma tagala ɲɔ fɛlɛdula, wo butɔ a ka Musa kele bapɛ tɛma, a ko: «Musa! Musa!» Musa ko: «Naamu!»

Kiilanu 26:14

Mɔ bɛ boeta duge tɔ, n ka kumari kulɛ do mɔɛ, a be a fɔla n ɲɛ Hebure kuma tɔ, a ko: ‹Sɔlu, Sɔlu, i be kitiren n ɲagankata koe la fenna? I be nde len sɔsɔla! Wo butɔ, i be bɛlɛya sɔtɔla i fan de ye iko ningi tuura be a kɛn natugula ki min na a tige la lɔgɔ selundeŋɛ la.›

Kiilanu 9:4

A boeta duge tɔ, a ka kulɛ do mɔɛ a be a fɔla a ye: «Sɔlu, Sɔlu, i be kitiren n ɲagankata koe la fenna?»

1 Samiyɛli 3:10

Alatala nata a dula iko wo fɔlɛ doe, a ka a kele, a ko: «Samiyɛli, Samiyɛli.» Samiyɛli ka a labita, a ko: «I la jondeŋɛ be a tolomasɔren i la, i ni kuma.»

1 Samiyɛli 3:4

Awa, Alatala ka Samiyɛli kele. A ka a labita, a ko: «Naamu, n be yan.»