Ko fɔlɔfɔlɛ 21:12 - Ala la kitabuenu Mɔgɔfin kuma tɔ

¹² Kɔnɔ Ala ka a fɔ a ye, a ko: «Iburahima wo kana i mɔnɛ. I kana hanmɛ i la den kayireŋɛ nun i la jon muse la ko la. Sara ka fenfen fɔ i ye, i ni wo ma a ye, bayi n ka bɔnsɛ min lahire jigan i ye, wo bɔnsɛ be bɔɔla Isiyaka le tɔ.

Ko fɔlɔfɔlɛ 21:12 ပူးပေါင်းရင်းမြစ်များ

Ko fɔlɔfɔlɛ 17:19

Ala ka a jaabi, a ko: «Ade, i la musu Sara tugun si naa den kayireŋɛ sɔtɔ i ye, i si naa a tɔgɔ sa Isiyaka. N be n na lahire lasabatila nde nun ale le tɛma, anun a bɔnsɛnu minnu sɔtɔla a faga kɔma. Wo ni ma mɔ tɛma lahiri banbale la.

Ko fɔlɔfɔlɛ 17:21

Kɔnɔ n na lahire, wo ni to nde nun Isiyaka le tɛma, Sara be naala den kayireŋɛ min sɔtɔla i ye yaari kɛ tɛmuɛ.»

1 Samiyɛli 8:7

Kɔnɔ Alatala ka a fɔ Samiyɛli ye, a ko: «Jama kulɛ lamɔɛ de! Ka anu ka min yo fɔ i ye, i ni wo bita, bayi anu bele ile le aɲɛren, anu be nde le aɲɛren, alako n kana ma mansa la anu kunma bitugun.

1 Samiyɛli 8:9

Awa kɔtɛ, i tolomasɔ anu kulɛ la. Kɔnɔ, kɛ mansa min be nala sigila anu kunma, yamɔre min si naa to a bolo, min be ladagɛren a ni a ma, i ni anu lasogi wo la a ɲinma la ka a ɲatabɔ anu ye.»