Ko fɔlɔfɔlɛ 17:14 - Ala la kitabuenu Mɔgɔfin kuma tɔ

¹⁴ Kaye min ma sunna, wo baa ni to a bale ma, ale bata bɔɔ a la jama ɲaama, bayi a bata n na lahire tiɲa.»

Ko fɔlɔfɔlɛ 17:14 ပူးပေါင်းရင်းမြစ်များ

Ko fɔlɔfɔlɛ 17:15

Ala mɛn ka a fɔ Iburahima ye, a ko: «I la muse tɔgɔ ma bitugun Sarayi. A tɔgɔ le kɔtɛ Sara.

Ko fɔlɔfɔlɛ 34:14

Anu ka a fɔ anu ye, anu ko: «Mɔ te nɔ mɔ baren muse diila mɔgɔ ma, min bele sunnaren, a si ma le mɔ ye maluya la.

Hɔrɔya 12:15

Tele wɔrɔwila butɔ, wo ni dɛgɛ lɛbinibɔnɛ dɔmɔ. A dan fɔlɛ lɔ́gɛ́ yati, wo si lɛbinɛ labɔɔ le wo la boŋɛnu tɔ kisanna. Mɔgɔ min yo ka dɛgɛ lɛbini tige dɔmɔ bɔɔla a dan fɔlɛ ma, han a ni taga ke a tele wɔrɔwila luŋɛ ma, wo tigi si labɔɔ le bani Isirayila jama ɲaama.

Hɔrɔya 12:19

Lɛbinɛ kana to wo la boŋɛnu tɔ han tele wɔrɔwila, bayi ka mɔgɔ yo ka dɛgɛ lɛbini tige dɔmɔ, a mata luntaŋɛ le la ba, a mata bani Isirayila kaa le la ba, ale tigi be labɔɔla le bani Isirayila jama ɲaama.

Hɔrɔya 30:33

Min yo ka a mɔɔle ɲiɲa, a mɛn ka a sa mɔgɔ do ma, anu si wo tigi labɔɔ le jama ɲaama.› »

Hɔrɔya 30:38

Min yo ka a mɔɔle ɲiɲa, alako a ni a kuɲɛ diyama mɔɛ, anu si wo tigi labɔɔ le jama ɲaama.»

Lewi bɔnsɛnu la sariya 18:29

Mɔgɔ yo min be wo mɔɔle mala, a si bɔɔ le Isirayila jama ɲaama.

Lewi bɔnsɛnu la sariya 19:8

Ka min tagata wo sube dɔmɔ, wo tigi si a sɔŋɛ sɔtɔ le, bayi a bata nde Alatala la saniyaŋɛ fɛɛya. Wo tigi si bɔɔ Isirayila jama ɲaama.

Lewi bɔnsɛnu la sariya 23:29

Kɔnɔ ka mɔgɔ min ma sɔn sunna wo lun, wo tigi si labɔɔ le a la jama ɲaama.

Lewi bɔnsɛnu la sariya 7:25

Mɔgɔ yo ka kɛ́ŋɛ dɔmɔ, min be bɔɔla sarika bintannɛŋɛ la nde Alatala ye, wo tigi be labɔɔla le Isirayila jama ɲaama.

Lewi bɔnsɛnu la sariya 7:27

Mɔgɔ yo be base minna, wo tigi be labɔɔla le bani Isirayila jama ɲaama.›»