Ko fɔlɔfɔlɛ 13:15 - Ala la kitabuenu Mɔgɔfin kuma tɔ

¹⁵ Bayi i ɲa be duge min bɛ la ka, n si wo bɛ dii i nun i bɔnsɛnu ma, a ni ma wo tɛŋɛ la kudai.

Ko fɔlɔfɔlɛ 13:15 ပူးပေါင်းရင်းမြစ်များ

Ko fɔlɔfɔlɛ 12:7

Alatala ka a yɛtɛ labɔɔ Iburama ma, a ka a fɔ a ye, a ko: «N si kɛ duge bɛ dii le i bɔnsɛ ma.» Iburama ka sarika bintandula ɲiɲa Alatala ye ɲɔ, Ala min ka a yɛtɛ labɔɔ a ma.

Ko fɔlɔfɔlɛ 13:17

Wuli, i ni duge la kanya nun a la yajɛ matagaman, bayi n si a dii le i ma.»

Ko fɔlɔfɔlɛ 15:18

Wo lun yɛtɛ, Alatala ka lahire jigan a nun Iburama tɛma, a ka a fɔ a ye, a ko: «N si naa kɛ duge dii i bɔnsɛ ma, ka bɔɔ Misira kɔɛɛ ma, tagala han kɔɔ banba ma, min mu Efirati kɔɛɛ la.

Ko fɔlɔfɔlɛ 15:7

Wo kɔma, Ala ka a fɔ a ye, a ko: «Nde le mu Alatala la, min ka i labɔɔ Uri saa tɔ, ka min be Kalide duge tɔ, alako n ni kɛ duge dii i ma kɛɛ la.»

Ko fɔlɔfɔlɛ 18:18

Bayi ale le si naa ma jama banba tige la, sɛnbɛ be min na. Ale la ko sabu si a ma le dunuya bɔnsɛ bɛ ni hɛra sɔtɔ.

Ko fɔlɔfɔlɛ 24:7

Alatala min mu saŋɛ tige la, wo ka n nabɔɔ n baaba bata fɔgɛ tɔ, a ka n nabɔɔ n na jamanɛ tɔ. A kumata n ɲɛ, a ka lahire dii n ma a ka a kali, a ko: ‹N si kɛ duge dii i bɔnsɛ ma.› Awa, ale Ala le si naa a la maleka lasanba i ma, a ni sɔ i ɲatɔ, wo butɔ, i si muse sɔtɔ n na den kayireŋɛ ye ɲɔ le.

Ko fɔlɔfɔlɛ 28:13

A ka a yen, Alatala yɛtɛ le be sɔren a kɛnna, a be kumala a ye: «Nde le mu Alatala la, i mankayi Iburahima la Ala, anun Isiyaka la Ala. I be saren duge min tɔ, n si a dii i nun i bɔnsɛnu ma.

Ko fɔlɔfɔlɛ 28:14

I bɔnsɛnu si naa siya iko mɛɲɛŋɛ min be duge tɔ. Wo la duge si naa koloya le ka bɔɔ tele yɛlɛ han tagala sigila tele jige la, anun bolo ɲinma nun bolo mara. See bɛ si hɛra sɔtɔ i nun i bɔnsɛ fɛ.

Ko fɔlɔfɔlɛ 28:4

Ala mu Iburahima la barikɛ sala i nun i bɔnsɛ la ko tɔ, alako kɛ duge ni ma i tɛŋɛ la, i be luntanya tɔ duge min tɔ ka, Ala ka duge min dii Iburahima ma.»

Ko fɔlɔfɔlɛ 35:12

N ka duge min dii Iburahima nun Isiyaka ma, n si a dii le i ma. Ile tanbi kɔma n si naa a dii i bɔnsɛ tugun ma.»

Ko fɔlɔfɔlɛ 48:4

A ka a fɔ n ɲɛ, a ko: ‹Nde le mu ka, n si i lajiidi, n ni i lasiya, n ni i ma jama banba tige la. N si kɛ duge dii le i bɔnsɛ ma hali i tanbi kɔma, a ni ma anu tɛŋɛ la kudai.›

Ko fɔlɔfɔlɛ 50:24

Yusufu ka a fɔ a baaba dɔndɛnu ye: «Nde tugun be faga da le tɔ. Kɔnɔ wo ni laa a la, Ala si hinnɛ le wo la. A si naa wo jigan de Misira, a ni wo doni duge tɔ, a ka a kali lahire min jigan koe la Iburahima nun Isiyaka nun Yaguba ye.»

Hɔrɔya 32:13

I ni lahire talɔn i ka min kiti i nun i la jondeŋɛnu Iburahima nun Isiyaka nun Yaguba tɛma, i ka i lakali i yɛtɛ tɔgɛ la, i ka a fɔ anu ye: ‹N si wo bɔnsɛ lasiya le iko loolenu be siyaren ki min na kantɔ. N ka duge min na ko lahire jigan wo bɔnsɛ ye, n si a dii le anu ma, a ni ma anu tɛŋɛ la kudai.› »

Hɔrɔya 33:1

Alatala kumata Musa ye, a ko: «Taga, ile nun jama i ka min nabɔɔ Misira duge tɔ, wo ni bɔɔ yan wo ni taga duge tɔ, n ka n nakali ka min lahire jigan koe la Iburahima nun Isiyaka anun Yaguba ye, ka a fɔla n si a dii anu bɔnsɛ ma.

Kiilanu 7:5

A ma dugu yo dii a ma kɛ jamanɛ tɔ, hali kɛn sɔ dula ɲɔgɔn. Kɔnɔ a ka lahire jigan de a ye aa a si naa kɛ duge dii le a ma a ni ma a tɛŋɛ la, ale nun a bɔnsɛ, hali a tanbi kɔma. Adun wo tɛmuɛ Iburahima ma den yo sɔtɔ betunna.