Ko fɔlɔfɔlɛ 12:18 - Ala la kitabuenu Mɔgɔfin kuma tɔ

¹⁸ Wo kɔma, Misira mansa ka Iburama kele, a ka a fɔ a ye: «I be fen maren n na? Fen de i ma a fɔ n ɲɛ i la muse le mu kɛ la?

Ko fɔlɔfɔlɛ 12:18 ပူးပေါင်းရင်းမြစ်များ

Ko fɔlɔfɔlɛ 12:19

I ka a fɔ fenna i dɔgɛ le mu, han n bata a ma n na muse la? Kɔtɛ i la muse le ka, a jigan wo ni taga!»

Ko fɔlɔfɔlɛ 20:3

Sue to donta Abimelɛki be kinnɔgɔla, Ala ka a yɛtɛ labɔɔ a ma kiboe tɔ, a ka a fɔ a ye, a ko: «I si naa faga le kɛ muse la ko la i ka min nati i bata, bayi a be sigiren kayi dugu le.»

Ko fɔlɔfɔlɛ 29:25

Ɲɔ to kɛnɛta Yaguba ka a yen Leya le mu, a ka a fɔ Laban ye, a ko: «I be fen de maren n na ka? Kaa n ma wali i ye Rakeli le la ko la? I ka n janfa fenna?»

Ko fɔlɔfɔlɛ 3:13

Marigi Alatala ka a fɔ muse ye: «I ka wo ma fenna?» Muse ka a jaabi, a ko: «Kaa le ka n natantan han n ka kɛ lɔgɔ wole dɔmɔ.»

Ko fɔlɔfɔlɛ 31:26

Laban ka a fɔ Yaguba ye, a ko: «I be fen maren ka? I ka n janfa, i ka n na den musereŋɛnu nati iko mɔgɔ bitareŋɛnu minnu bitata kɛlɛ tɔ.

Ko fɔlɔfɔlɛ 4:10

Wo kɔma, Ala ka a fɔ a ye, a ko: «I ka fen de ma ka? Base min bɔɔta i dɔgɛ ma a sata duge tɔ, wo base kulɛ be bɔɔla duge tɔ a ni ke n ma ka a fɔla n ni a tɛŋɛ yɔgɔ.

Ko fɔlɔfɔlɛ 44:15

Yusufu ka a fɔ anu ye: «Wo be fen de maren ka? Wo ma a lɔn kaye, iko nde, n si nɔ fɛrile mala koe bɛ la?»

Hɔrɔya 32:21

Wo kɔma, a ka Harona maɲininka, a ko: «Kɛ jama ka fen de ma i la, han i be anu sɔren kɛ junubu banba wale ma koe la?»

1 Samiyɛli 14:43

Sayulu ka a fɔ Yonatan ye, a ko: «I la tiɲare fɔ n ɲɛ ba.» Yonatan ka a fɔ a ye, a ko: «N ka kumɛ donden de jigan n na lɔgɛ la, min be bitaren nun n bole la, n ka a nɛwu. Nde le mu ka, n be sɔnden n ni faga.»