Hɔrɔya 4:31 - Ala la kitabuenu Mɔgɔfin kuma tɔ

³¹ Jama laata. Anu to ka a lɔn, ko Alatala bata bani Isirayila kaanu la tɔɔrɛ yen, a mɛn nata hinnɛ anu la, anu ka anu majigi, anu sujuduta duge ma.

Hɔrɔya 4:31 ပူးပေါင်းရင်းမြစ်များ

Ko fɔlɔfɔlɛ 17:3

Iburama ka a majigi, han a ka a tindɛ sɔ duge tɔ. Ala kumata a ye, a ko:

Ko fɔlɔfɔlɛ 24:26

Wo butɔ, kaye kimisirinta, a ka Alatala tantu,

Ko fɔlɔfɔlɛ 29:32

Leya ka bue jigan, a ka den kayireŋɛ sɔtɔ, a ka a tɔgɔ sa Rubɛn. A ka a fɔ, a ko: «Alatala to bata n na maluya yen, kɔtɛ n na kaye si n nadiya le.»

Ko fɔlɔfɔlɛ 50:24

Yusufu ka a fɔ a baaba dɔndɛnu ye: «Nde tugun be faga da le tɔ. Kɔnɔ wo ni laa a la, Ala si hinnɛ le wo la. A si naa wo jigan de Misira, a ni wo doni duge tɔ, a ka a kali lahire min jigan koe la Iburahima nun Isiyaka nun Yaguba ye.»

Hɔrɔya 12:27

wo si anu jaabi: ‹Malatanga sale Saya Maleka ma, a sarika le mu Alatala la biliya butɔ, bayi a tantunta bani Isirayila kaanu la boŋɛnu kunma Misira, a to be Misira kaanu fagala wagate min tɔ, a ka mɔ la denbayanu kan nakisi.› » Jama kimisirinta, anu ka Alatala batu.

Hɔrɔya 14:31

Anu ka a yen Alatala be sɛnbɛ banba min nawaliren Misira kaanu la ko tɔ. Jama ka biliya sa Alatala ma, anu ka lannanteya doni Alatala nun a la kiila Musa ma.

Hɔrɔya 19:8

Jama bɛ hakkile labɛndeŋɛ ka a jaabi, anu ko: «Alatala be min bɛ fɔla, mɔ si a ma le.» Musa yɛlɛta, tagala jama la jaabire lakedula Alatala ma.

Hɔrɔya 19:9

Alatala ka a fɔ Musa ye, a ko: «I tolomasɔ, n si na le i dula luuture dibireŋɛ butɔ, alako n tini be kumala i ye, jama ni n kulɛ mɔɛ, anu mɛn ni lannanteya sa i ma tɛmuɛ bɛ tɔ.» Wo kɔma, Musa ka jama la jaabire lake Alatala ma.

Hɔrɔya 2:25

Ala ka a ɲa sɔ bani Isirayila kaanu la, anu be ki min na. A ka a lɔn anu be lahala min na.

Hɔrɔya 3:16

Taga bani Isirayila kuntigenu madɛn, i ni a fɔ anu ye, i ko: ‹Alatala, wo benbanu la Ala, anun Iburahima, anun Isiyaka, anun Yaguba la Ala bɔɔta n ma. A ko, aa a si naa hinnɛ wo la, aa a bata a yen anu be min mala wo la Misira.

Hɔrɔya 3:18

Awa, bani Isirayila kaanu si i kulɛ mɔɛ le. Wo kɔma, ile nun bani Isirayila kuntigenu si taga Misira mansa bata, wo ni a madiya, wo ko: ‹Alatala, Heburenu la Ala, a bata a yɛtɛ labɔɔ mɔ ma. Kɔtɛ, i ni a to yandi, mɔ ni taga tele saba tagamaŋɛ ma janfue butɔ, alako mɔ ni sarika bɔɔ Alatala ye, mɔ la Ala.› »

Hɔrɔya 3:7

Alatala mɛn ko: «N bata a yen yati anu be n na jama ɲagankatala ki min na Misira. N bata anu diri kulɛ mɔɛ, anu ɲagankatalanu sabu la. Iyon, n ka anu la tɔɔrɛ lɔn.

Hɔrɔya 33:10

Bani Isirayila kaanu tini wo luuture madɛndeŋɛ yen Boŋɛ dondula tɔ, jama bɛ be wulila le, anu bɛ ni sujudu anu la bondanu tɔ.

Hɔrɔya 34:8

Musa kimisirinta duge tɔ kisanna, a sujuduta.

Hɔrɔya 4:5

Alatala ko: «Ka i ka wo ma, anu si laa le ka a fɔla nde Alatala ka n fan nabɔɔ le i ma, nde min mu anu benbanu la Ala la, Iburahima anun Isiyaka anun Yaguba la Ala.»

Luki 1:68

«Tantue be Marige Alatala ye, bani Isirayila mɔgɛnu la Ala, bayi a bata hinnɛ a la jama la, a ni anu kunka.

Luki 8:13

Suge lansanta kurenu minnu kunma, wo mu mɔgɛnu le la, minnu ka Ala la kuma mɔɛ anu ni a bita sɛɛwa tɔ, kɔnɔ liili bele anu la. Dɛnkɛnɛya be anu ye han tɛmu do. Kɔnɔ bɛlɛya wagate tini na, anu ni bɔɔ a tɔ.

Ruti 1:6

Awa, Nayomi ka a mɔɛ Mowaba duge tɔ, ka a fɔla Alatala bata hinnɛ a la jama la: a bata dɔmɛ dii anu ma.