Hɔrɔya 38:27 - Ala la kitabuenu Mɔgɔfin kuma tɔ

²⁷ Wo kɔnte butɔ, anu ka kaalise kilo wulu saba lakunɛn sɔfeŋɛ kɛmɛ ɲiɲa koe la, hɔrɔma dingira sɔfeŋɛnu anun parawan banba la tuganu tɛŋɛ min be ɲɔ butɔ, sɔfen dɔndɔ kaalise kilo bi saba.

Hɔrɔya 38:27 ပူးပေါင်းရင်းမြစ်များ

Hɔrɔya 26:19

I be sɔfeŋɛ kaalisinɛŋɛ bi naani le ɲiɲala wo keben mugaŋɛ kɔtɔ ye, keben dɔndɔ yo keben dɔndɔ sɔfen fila, minnu si tabɛn a kɛn filanu ma.

Hɔrɔya 26:21

nun anu la sɔfeŋɛ kaalisinɛŋɛ bi naani, keben dɔndɔ yo keben dɔndɔ be sɔla sɔfeŋɛ fila kunma.

Hɔrɔya 26:25

A bɛ labɛndeŋɛ keben sagin, nun anu la sɔfeŋɛ tan nun wɔɔrɔ, keben dɔndɔ yo keben dɔndɔ sɔfeŋɛ fila le mu.

Hɔrɔya 26:32

I be a bakkula kasiya tuga naani le kunma, sanuɛ be madonden minnu ma, bakkurandeŋɛnu sanunɛŋɛ be minnu ma, wo tuganu be sɔla sɔfeŋɛ naani le kunma, minnu be ɲiɲaren kaalise la.

Hɔrɔya 38:26

Wo jama kɔnti tɛmuɛ, kayi mɔgɔ wulu kɛmɛ wɔɔrɔ mɔgɔ wulu saba kɛmɛ loolu anun bi loolu be (603.550) minnu bata san mugan anun do sɔtɔ. Kayi yo kayi ka kaalise giramu loolu le dii, awa kaalise min sɔtɔta wolo tabɛnta kilo wulu saba kilo tan nun wɔrɔwila nun giramu kɛmɛ wɔrɔwila bi loolu ma.

Hɔrɔya 38:28

Wo kaalise tɔɛ min tota, wolo do ɲiɲata bakkuranu la tuganu ye, do tugun madonta tuga kuŋɛnu ma, do tugun ɲiɲata nɛgɛ kayanmanu la parawan be bakkula minnu la.