Hɔrɔya 38:24 - Ala la kitabuenu Mɔgɔfin kuma tɔ

²⁴ Awa, sanuɛ min bere lawalita hɔrɔma dingira sɔ koe la, sanuɛ min sɔtɔta bolo makafue la, a tabɛnta kilo kɛmɛ sagin kilo bi wɔrɔwila anun wɔrɔwila anun giramu kɛmɛ saba le ma. A sumanta hɔrɔma dingira sumarifeŋɛ kɛɲa le ma.

Hɔrɔya 38:24 ပူးပေါင်းရင်းမြစ်များ

Hɔrɔya 25:2

«A fɔ bani Isirayila kaanu ye, anu ni anu bolo makafu n ɲɛ. Ka min ka fondo bɔɔ n ɲɛ a hanige beeyareŋɛ la, wo ni a madɛn n ɲɛ.

Hɔrɔya 29:24

I si wo dɛgɛnu nun wo sube bɛ sa le Harona nun a la deŋɛnu bole tɔ, anu ni wonu bɔɔ sarika la, anu ni anu dantɛgɛ nde Alatala ye.

Hɔrɔya 30:24

anun lɔgɔ kobole min tɔgɔ kasi, a munge kilo loolu, wo bɛ be sumanna hɔrɔma dingira sumarifeŋɛ kɛɲa le ma; anun oliwiye tule litari wɔɔrɔ.

Hɔrɔya 35:22

Min bɛ be maren fonisire la, kayi ba, musu ba, wonu bɛ nata le anu ka yangufeŋɛ sanunɛŋɛnu nati, iko tololadeŋɛnu, kurundanu, fayida fondo sanunɛŋɛ mɔɔle bɛ, anu ka a dantɛgɛ Alatala ye biliya la.

Lewi bɔnsɛnu la sariya 27:25

Wo sɔŋɛ bɛ, a kaalisi kole la biliya nun dula saniyandeŋɛ nɛŋɛ, fɔ anu ni kan. A kaalisi kolo dɔndɔ be tabɛnna giramu tan de ma.

Lewi bɔnsɛnu la sariya 27:3

Ka kaye le mu min na simaya be san mugan han san bi wɔɔrɔ, a be kunsarala kaalisi kolo bi loolu le la. Wo kaalisi kole, a la biliya nun kaalise kole nɛŋɛ min be lawalila hɔrɔma dingira tɔ, fɔ anu ni kan.

Lewi bɔnsɛnu la sariya 5:15

«Misali la, mɔgɔ do ka fondo jigan min be kɛrɛkɛrɛren nde Alatala ye, kɔnɔ a ma a lɔn a be wo junube mɔɔle maren. Awa ka a tagata lɔn sɔtɔ wo koe ma wagate min tɔ, a ni taga saaka kontoŋɛ bɔɔ fan nasaagi sarika la nde Alatala ye a la junube la ko la. A ma bɛn lanjuru yo ni to wo saaka kontoŋɛ la. A sɔŋɛ saɲa le ka: nɛgɛ min be ladonden a la ko tɔ, wo kaalisi kole la biliya nun kaalise kole nɛŋɛ min be lawalila hɔrɔma dingira tɔ, fɔ anu ni kan.