Hɔrɔya 32:13 - Ala la kitabuenu Mɔgɔfin kuma tɔ

¹³ I ni lahire talɔn i ka min kiti i nun i la jondeŋɛnu Iburahima nun Isiyaka nun Yaguba tɛma, i ka i lakali i yɛtɛ tɔgɛ la, i ka a fɔ anu ye: ‹N si wo bɔnsɛ lasiya le iko loolenu be siyaren ki min na kantɔ. N ka duge min na ko lahire jigan wo bɔnsɛ ye, n si a dii le anu ma, a ni ma anu tɛŋɛ la kudai.› »

Hɔrɔya 32:13 ပူးပေါင်းရင်းမြစ်များ

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 12:7

Alatala ka a yɛtɛ labɔɔ Iburama ma, a ka a fɔ a ye, a ko: «N si kɛ duge bɛ dii le i bɔnsɛ ma.» Iburama ka sarika bintandula ɲiɲa Alatala ye ɲɔ, Ala min ka a yɛtɛ labɔɔ a ma.

Ko fɔlɔfɔlɛ 15:18

Wo lun yɛtɛ, Alatala ka lahire jigan a nun Iburama tɛma, a ka a fɔ a ye, a ko: «N si naa kɛ duge dii i bɔnsɛ ma, ka bɔɔ Misira kɔɛɛ ma, tagala han kɔɔ banba ma, min mu Efirati kɔɛɛ la.

Ko fɔlɔfɔlɛ 15:5

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Ko fɔlɔfɔlɛ 15:7

Wo kɔma, Ala ka a fɔ a ye, a ko: «Nde le mu Alatala la, min ka i labɔɔ Uri saa tɔ, ka min be Kalide duge tɔ, alako n ni kɛ duge dii i ma kɛɛ la.»

Ko fɔlɔfɔlɛ 17:8

I be luntanya tɔ duge min tɔ ka, min mu Kanana duge la, n si kɛ duge bɛ dii i nun i bɔnsɛnu ma. A si ma i nun i bɔnsɛnu tɛŋɛ la kudai. N si ma i bɔnsɛnu la Ala la.»

Ko fɔlɔfɔlɛ 22:16

Maleka ko: «Alatala la kuma fɔreŋɛ le mu ka, a ko: I ma balan i la den kayiren dɔndɛ diila n ma, wolo mu n bata n kali n yɛtɛ tɔgɛ la.

Ko fɔlɔfɔlɛ 22:17

N si barikɛ sa i la ko tɔ koola, n ni i bɔnsɛ lasiya iko loolenu minnu be kantɔ, ka wo ma anu si siya iko mɛɲɛn kole min be ba dala. I bɔnsɛ si naa nɔ sɔtɔ le anu jaguenu kunma.

Ko fɔlɔfɔlɛ 24:7

Alatala min mu saŋɛ tige la, wo ka n nabɔɔ n baaba bata fɔgɛ tɔ, a ka n nabɔɔ n na jamanɛ tɔ. A kumata n ɲɛ, a ka lahire dii n ma a ka a kali, a ko: ‹N si kɛ duge dii i bɔnsɛ ma.› Awa, ale Ala le si naa a la maleka lasanba i ma, a ni sɔ i ɲatɔ, wo butɔ, i si muse sɔtɔ n na den kayireŋɛ ye ɲɔ le.

Ko fɔlɔfɔlɛ 48:16

Ile min mu maleka la, i ka n bɔɔ ko bɛlɛŋɛ tɔ, ile Ala ni hɔrɔma to kɛ deŋɛnu la ko tɔ. Anu ni anu kele nde tɔgɛ la, anun n mankayi Iburahima nun n baaba Isiyaka tɔgɛ la. Anu ni jiidi jamanɛ butɔ koola.»

Hɔrɔya 13:11

Alatala tini wo lake Kanana kaanu la duge tɔ wagate min tɔ, a tini a dii wo ma iko a ka a kali ki min na wole nun wo benbanu ye,

Hɔrɔya 13:5

Alatala tini wo lake lun min na duge tɔ, a ka a kali wo benbanu ye min dii koe la wo ma, Kanana kaanu, Hɛti kaanu, Amɔri kaanu, Hiwi kaanu, anun Jebusi kaanu be sabatiren ka min na, nɔnɛ nun kumɛ te ban duge min tɔ, wo ni kɛnɛ Dɛgɛ Lɛbinibɔnɛ sale mala Alatala la biliya butɔ kɛ kare le la:

Hɔrɔya 33:1

Alatala kumata Musa ye, a ko: «Taga, ile nun jama i ka min nabɔɔ Misira duge tɔ, wo ni bɔɔ yan wo ni taga duge tɔ, n ka n nakali ka min lahire jigan koe la Iburahima nun Isiyaka anun Yaguba ye, ka a fɔla n si a dii anu bɔnsɛ ma.

Lewi bɔnsɛnu la sariya 26:42

Wo tɛmuɛ n si n hakkile to le n na lahire la ko ma min be nde nun Yaguba nun Isiyaka anun Iburahima tɛma. N te ɲina wo duge la ko la.