Hɔrɔya 30:30 - Ala la kitabuenu Mɔgɔfin kuma tɔ

³⁰ I be tule sala le Harona nun a la den kayireŋɛnu tugun ma, alako anu ni kɛrɛkɛrɛ, ka n na sarika lake wale ma.

Hɔrɔya 30:30 ပူးပေါင်းရင်းမြစ်များ

Hɔrɔya 28:3

N be hakkili ɲinma diiren bolo laɲɛɲilá ɲinma minnu ma, i ni a yita anu la anu si Harona la wo donfeŋɛnu kara ki min na, a ni masubɛ a ni ma n na sarika lakela la a ni wale n ɲɛ.

Hɔrɔya 28:41

I be i kɔtɔ Harona anun a la den kayireŋɛnu la donfeŋɛnu lajigila le anu ma, i ni tule sa anu ma, i ni anu sɔ sarika lakela wale la; awa, i be anu masubɛla ɲɔgɔnna le, anu ni ma n ɲɛ n na sarika lakelanu la.

Hɔrɔya 30:29

I be wonu kɛrɛkɛrɛla le, anu be mala fondo saniyandeŋɛ fisamante le la. Ka fenfen magata wonu la, a bata saniyan.

Hɔrɔya 30:31

I si a fɔ le bani Isirayila kaanu ye, i ko: ‹Tulu saniyandeŋɛ le mu kɛ la min si koenu kɛrɛkɛrɛ, nde Alatala le tan mu a la, bɔɔla bɔnsɛ ma han bɔnsɛ.

Hɔrɔya 40:15

I ni naa tulu saniyandeŋɛ sa anu ma min si anu yita Ala la, iko i be a mala anu baaba ye ki min na, alako ande tugun ni ma n na sarika lakelanu la. Wo tulu saniyandeŋɛ sa koe be mala anu bɔnsɛ bɛ le ye abada, hɔrɔma dingira wale ma koe la.»

Lewi bɔnsɛnu la sariya 10:3

Musa ka a fɔ Harona ye a ko: «Alatala ka wo lalɔn de nun kɛ la, a to ka a fɔ, ‹Minnu be madonden n na, anu ni a lɔn n saniyanta, anu ni n biliya jama bɛ ɲakɔtɔ.›» Harona ka a mɔdɛ jen.

Lewi bɔnsɛnu la sariya 8:12

Wo kɔma, a ka Harona kɛrɛkɛrɛ a ni ma sarika lakelá kuŋɛ la, a ka tule do bɔn a kuŋɛ tɔ.

Lewi bɔnsɛnu la sariya 8:30

Wo kɔma, Musa ka tulu saniyandeŋɛ do jigan, anun base do, min sata nun sarika bintandula kunma, a ka a punpun Harona nun a la deŋɛnu ma, anun anu la kutanu tugun ma. A ka Harona nun a la kutanu lasaniyan ɲɔgɔnna le, anun a la deŋɛnu nun wonu tɛn kutanu.