Hɔrɔya 3:20 - Ala la kitabuenu Mɔgɔfin kuma tɔ

²⁰ N si n bole sɛnbɛ yita Firauna la jamanɛ la, n ni a botege jihade mɔɔle bɛ la. Wo kɔma, a si wo boloka wo ni taga.

Hɔrɔya 3:20 ပူးပေါင်းရင်းမြစ်များ

Ko fɔlɔfɔlɛ 15:14

Kɔnɔ jamanɛ min ka i bɔnsɛ bita jonya la, n si naa wo jamanɛ makiiti le. Wo kɔma, i bɔnsɛnu si naa bɔɔ wo jamanɛ tɔ fondo siyama fɛ.

Hɔrɔya 11:1

Wo ka a taran, Alatala ka a fɔ nun Musa ye, a ko: «N si naa jihadi tɔɛ lasanba le Firauna nun Misira kaanu ma. Ka wo koe mata, Firauna si naa wo boloka le yan feu wo ni taga. A ɲan si naa wo bee le dɔndɛ la yan.

Hɔrɔya 12:39

Anu ka dɛgɛ lɛbinibɔnɛ lamulandeŋɛ yɛlɛbale min nati anu fɛ bɔɔla Misira, anu ka a bintan. Bayi anu be beeren de Misira, sɔ yo bele anu ye. Anu mɛn ma nɔ fenfen ɲiɲala anu yɛtɛ ye fanda la.

Hɔrɔya 13:3

Musa ka a fɔ jama ye, a ko: «Wo bi lɔ́gɛ́ talɔn wo bɔɔta jonya tɔ lun min na Misira, bayi Alatala sɛnbɛ le ka wo labɔɔ ɲɔ. Wolo mu, fondo lɛbini tige te dɔmɔ wo lun.

Hɔrɔya 13:9

Kɛ sale si ma le wo ye iko tɔnkuma min be saren wo bole tɔ anun wo tindɛ tɔ. Wolo si a ma Alatala la sariya si to wo da tɔ, bayi Alatala le ka wo labɔɔ Misira a sɛnbɛ la.

Hɔrɔya 15:11

Ee Alatala, Ala miniman be, bɔɔ ile la? Ɲɔmɔ si to iko ile, min na saniyaŋɛ be malanna, ɲɔmɔ le makilanta, a bɛnta min ni matɔgɔ? ɲɔmɔ le be kabanakoenu mala?

Hɔrɔya 15:6

Ee Alatala! I bolo ɲinma bole makilanta i sɛnbɛ la ko la. Ee Alatala! I bolo ɲinma bole si i jague la ko tiɲa le.

Hɔrɔya 4:21

Alatala mɛn ko Musa ma: «N ka yamɔre don i bolo kabanakoe mɔɔlenu bɛ ma koe la. I to be saagila Misira, i ni i hakkile to a ma, i ni anu ma Firauna ɲala. Wo kɔma, nde si Firauna hakkile labɛlɛya, a te bani Isirayila kaanu boloka anu ni taga.

Hɔrɔya 6:1

Alatala ka a fɔ Musa ye: «I si a yen kɔtɛ n be naala min mala Firauna la, n sɛnbɛ le be naala a mala a ni bani Isirayila jama boloka, wo sɛnbɛ le mɛn be a mala a ni anu bee a la duge tɔ.»

Hɔrɔya 6:6

Wolo mu, i si a fɔ bani Isirayila kaanu ye, i ko: ‹Nde len mu Alatala la, n si naa wo labɔɔ le wali bɛlɛŋɛ tɔ Misira kaanu be min sigiren wo ma. N si naa wo lafulen jonya tɔ, Misira kaanu be min sigiren wo ma. N si naa wo kunka le n bolo sɛnbɛma la, n si Misira kaanu bita le kiiti bɛlɛŋɛ la.

Hɔrɔya 9:15

Ka a ka a bole lafonti le nun, a ka kaaka bandiya latugu ile nun i la jama la, kɔtɛ nun wo la ko bata mɔdɛ dunuya.

Kiilanu 7:36

Ale Musa yati le ka bani Isirayila kaanu labɔɔ Misira duge tɔ. A ka kabanakoenu nun laamutenu ma Misira, Kulunyuma ba tɔ, anun janfue tɔ, san bi naani.