Hɔrɔya 29:14 - Ala la kitabuenu Mɔgɔfin kuma tɔ

¹⁴ Kɔnɔ tuura sube nun a bole nun a jaaɲɛ, i be wonu bintanna daaka kɔma la le: junubu kafari sarika le mu.

Hɔrɔya 29:14 ပူးပေါင်းရင်းမြစ်များ

Hɔrɔya 30:10

San yo san kunɲama dɔndɔ, Harona be wo sorayi saniyandeŋɛ bintandula lasaniyanna base la: a ni junubu kafari sarika base do jigan, a ni a madon sorayi saniyandeŋɛ bintandula binanu ma. Wo be wolo mala bɔɔla bɔnsɔ han bɔnsɔ. Wo sorayi saniyandeŋɛ bintandula be mala fondo saniyandeŋɛ fisamante le la nde Alatala ɲala.»

Lewi bɔnsɛnu la sariya 16:11

Awa, Harona ni wo tuura fɔlɔ bɔɔ a tɛn junubu kafari sarika la, a ni ma ale nun a la denbaya kunsara la. A ni wo tuura kannatɛgɛ junubu kafari sarika la.

Lewi bɔnsɛnu la sariya 16:27

Tuura nun sikule minnu be bɔɔren junubu kafari sarika la, anu base mata kunsara sarika la dula saniyandeŋɛ fisamante tɔ, anu bɛnta anu ni wonu doni daaka kɔma la. Anu bolé yo, anu sube yo, anun anu jaaɲɛ bɛ ni bintan ta la.

Lewi bɔnsɛnu la sariya 16:3

Harona si don min fɛ, wolo mu ka: tuura base nun saaka kontoŋɛ base. Tuura be naala bɔɔla junubu kafari sarika la, saaka kontoŋɛ be naala bɔɔla sarika bintannɛŋɛ la.

Lewi bɔnsɛnu la sariya 4:21

A ni naa wo tuura fagareŋɛ sube doni jama la daaka kɔma, a ni a bintan iko tuura doe be bintanna ki min na. Wo be mala junubu kafari sarika le la jama ye.

Lewi bɔnsɛnu la sariya 4:25

Sarika lakelá ni a bolo soliŋɛ lajigi wo base tɔ min be bɔɔren junube la ko la, a ni do sa binanu ma minnu be sarika bintandula tunku naanɛ ye, sarika be bintanna min kunma. Base min be toren, a ni naa wo bɛ bɔn sarika bintandula lanbaŋɛ tɔ, sarika bintannɛŋɛ be kɛnɛ bɔɔla ka min na.

Lewi bɔnsɛnu la sariya 4:29

A ni a bole sa wo junubu kafari sarika kun tɛma, a ni a kannatɛgɛ sarika bintannɛŋɛnu be kɛnɛ kannatɛgɛla ka min na.

Lewi bɔnsɛnu la sariya 4:3

Ka a taranta sarika lakelá banba le tagata n na yamɔre do sɔsɔ, wo mata jama ye junube la, a bɛnta a ni tuura bɔɔ sarika la nde Alatala ye, lanjuru yo bele min na, alako wo ni ma junubu kafare sarika la a ye.

Lewi bɔnsɛnu la sariya 4:32

Ka a be saaka bɔɔla junubu kafari sarika la, fɔ a ni ma saaka muse le la lanjuru yo bele min na.

Lewi bɔnsɛnu la sariya 5:6

A ni saaka muse bɔɔ sarika la, ka wo ma baa muse. Wo kolofeŋɛ ni ma fan nasaagi sarika la nde Alatala ye. Awa, sarika lakelá si a kunka wo la, alako a la junube ni kafari.

Lewi bɔnsɛnu la sariya 5:8

A ni anu doni sarika lakelá dula, sarika lakelá ni junubu kafari sarika fɔlɔ bɔɔ. A ni a kaŋɛ kannatɛgɛ, kɔnɔ hali a ma a kuŋɛ kuntu.

Lewi bɔnsɛnu la sariya 8:17

Kɔnɔ tuura tɔɛ kan, a bolé, a sube, nun a jaaɲɛ, a ka wolo bintan ta la daaka kɔma, iko Alatala ka a yamɔri ki min na nun.

Lewi bɔnsɛnu la sariya 9:2

A ka a fɔ Harona ye, a ko: «I ni taga sarika fila jigan: tuuradeŋɛ anun saaka kontoŋɛ, lanjuru yo bele minnu la. Do be mala i la junubu kafari sarika la, doe be mala sarika bintannɛŋɛ la. I ni taga anu yita Alatala la.