Hɔrɔya 28:41 - Ala la kitabuenu Mɔgɔfin kuma tɔ

⁴¹ I be i kɔtɔ Harona anun a la den kayireŋɛnu la donfeŋɛnu lajigila le anu ma, i ni tule sa anu ma, i ni anu sɔ sarika lakela wale la; awa, i be anu masubɛla ɲɔgɔnna le, anu ni ma n ɲɛ n na sarika lakelanu la.

Hɔrɔya 28:41 ပူးပေါင်းရင်းမြစ်များ

Hɔrɔya 28:1

«I si i kɔtɔ Harona nun a la den kayireŋɛnu madon i la, Nadabi, Abihu, Elasari nun Itamari. I ni anu masubɛ bani Isirayila kaanu ɲaama, alako anu ni naa ma n na sarika lakelanu la, anu ni wali n ɲɛ.

Hɔrɔya 28:4

Donfeŋɛnu le ka anu be minnu karala: jusukun mabutinfeŋɛ, doroki kunmanɛŋɛ bolobɔnɛ, doroki banba bolo wutuma, doroki banba kɔtɔnɛŋɛ a masɔgɔreŋɛ, kuntarɛfeŋɛ anun tɛtakitiraŋɛ. Awa, anu be kɛ donfen saniyandeŋɛnu le karala i kɔtɔ Harona nun a la den kayireŋɛnu ye, alako anu ni ma n na sarika lakelanu la anu ni wali n ɲɛ.

Hɔrɔya 29:24

I si wo dɛgɛnu nun wo sube bɛ sa le Harona nun a la deŋɛnu bole tɔ, anu ni wonu bɔɔ sarika la, anu ni anu dantɛgɛ nde Alatala ye.

Hɔrɔya 29:35

Awa, i be a mala Harona nun a la den kayireŋɛnu ye ɲɔgɔnna le, iko n ka yamɔre min bɛ dii i ma: i be anu sɔla sarika lake wale la tele wɔrɔwila le kɔtɔ.

Hɔrɔya 29:7

I si tulu saniyandeŋɛ do jigan de i ni a bɔn a kuŋɛ ma, alako a ni lɔn mɔgɔ masubɛreŋɛ le mu a la.

Hɔrɔya 29:9

i ni naa kufunɛ don anu ye. I mɛn be Harona nun a la deŋɛnu tɛ kitila tɛtakitiraŋɛ le la. Wo butɔ, anu be mala sarika lakela la ɲɔgɔnna le, wo ni ma sariya banbale la. Awa, i tini be sɔdula diila Harona nun a la deŋɛnu ma, i be kɛ-lɛ mala:

Hɔrɔya 30:35

I be fondo kuɲɛ diyamanu le ɲiɲala wonu la, iko labundɛ ɲiɲalá be a ɲiɲala ki min na, a ni ma sorayi bintannɛŋɛ la. I ni kɔɔkɛ sa, a ni ma sorayi ɲinma saniyandeŋɛ le la.

Hɔrɔya 40:13

I si donfeŋɛ saniyandeŋɛnu lajigi le Harona ma, i ni tulu saniyandeŋɛ sa a ma min si a yita Ala la, i be a kɛrɛkɛrɛla ɲɔgɔnna le, a ni ma n ɲɛ n na sarika lakela la.

Hɔrɔya 40:15

I ni naa tulu saniyandeŋɛ sa anu ma min si anu yita Ala la, iko i be a mala anu baaba ye ki min na, alako ande tugun ni ma n na sarika lakelanu la. Wo tulu saniyandeŋɛ sa koe be mala anu bɔnsɛ bɛ le ye abada, hɔrɔma dingira wale ma koe la.»

Lewi bɔnsɛnu la sariya 10:7

Wo kana bɔɔ Ala la hɔrɔma dingira dondula tɔ taga koe la kan do kɛ lanuma, ka wo ma wo si faga le, bayi wo be kɛrɛkɛrɛren Alatala ye a la mɔgɔ masubɛreŋɛnu le mu wo la.» Anu ka Musa la yamɔre labatu.

Lewi bɔnsɛnu la sariya 16:24

A ni taga a bale ko je la dula do tɔ ka min be saniyanden, a ni kuta gbɛtɛnu don. A tini wo ban, a ni bɔɔ, a ni sarika bintannɛŋɛ fila bɔɔ, dɔndɛ a yɛtɛ tɛŋɛ, doe jama tɛŋɛ. Wo butɔ a si kunsara sɔtɔ le a yɛtɛ ye anun jama ye.

Yaya 3:34

Ala bata min nasanba, wo be Ala la kuma le fɔla, bayi Ala be a Hakkili saniyandeŋɛ barikɛ le lajigiren a ma dan bele min na.