Hɔrɔya 26:33 - Ala la kitabuenu Mɔgɔfin kuma tɔ

³³ I be wo parawan banba bakkula bakkuranu le kɔtɔ. I ni seedeɲɔgɔya kankira sigi wo parawan kɔma, wo parawan de be dula saniyandeŋɛ nun dula saniyandeŋɛ fisamante tɛma tafatanna.

Hɔrɔya 26:33 ပူးပေါင်းရင်းမြစ်များ

Hɔrɔya 25:16

N be lahire min kitila jama nun nde tɛma, a seedeɲɔgɔya le be sala wo kankira butɔ.

Hɔrɔya 26:32

I be a bakkula kasiya tuga naani le kunma, sanuɛ be madonden minnu ma, bakkurandeŋɛnu sanunɛŋɛ be minnu ma, wo tuganu be sɔla sɔfeŋɛ naani le kunma, minnu be ɲiɲaren kaalise la.

Hɔrɔya 27:10

Wo kuta be bakkula tuga mugan de la, anun anu la sɔfeŋɛ mugaŋɛ, minnu be ɲiɲaren taasa la. Bakkurandeŋɛnu nun nɛgɛ kayanmanu be ɲiɲaren kaalise le la.

Hɔrɔya 27:21

Harona nun a la den kayireŋɛnu si wo lanpue tabɛn bɛndula boŋɛ butɔ parawan banba ɲakɔtɔ, min be bakkuren seedeɲɔgɔya kankira ɲaama. Wo lanpue si bita le nde Alatala ɲakɔtɔ bɔɔla wura la han saguma. Wo ni ma sariya banbale la bani Isirayila bɔnsɛ bɛ ye.»

Hɔrɔya 36:36

Anu ka tuga naani ɲiɲa a ye kasiya lɔgɛ la, anu ka sanuɛ madon anu ma, nun anu la bakkurandeŋɛ sanunɛŋɛnu. Anu ka sɔfeŋɛ naani ɲiɲa anu ye kaalise la.

Hɔrɔya 40:21

A ka kankira ladon bɛndula boŋɛ butɔ, a ka parawan banba bakku a ɲaama, a ni seedeɲɔgɔya kankira ɲamadogon, iko Alatala ka a yamɔri ki min na.

Hɔrɔya 40:3

I si seedeɲɔgɔya kankira sigi le ɲɔ, i ni a ɲamadogon parawan banba la.

Lewi bɔnsɛnu la sariya 16:2

«A fɔ i kɔtɔ Harona ye, a tini don hɔrɔma dingira tanta butɔ, a kana tanbi parawan bakkureŋɛ kɔma tɛmuɛ bɛ, han ka don ɲɔ dula saniyandeŋɛ fisamante tɔ, alako a kana faga. Bayi, nde be bɔɔla luuture tɔ ɲɔ le, lahire seedeɲɔgɔya kankira be ka min na, junubu kafare dataguraŋɛ be saren kankira min da la.