Hɔrɔya 25:22 - Ala la kitabuenu Mɔgɔfin kuma tɔ

²² N si naa n fan nabɔɔ i ma ɲɔ le, n si naa kuma le i ye wo dataguraŋɛ kunma, maleka fila misalireŋɛ tɛma minnu be seedeɲɔgɔya kankira kunma. N si naa yamɔre bɛ don i bolo ɲɔ le a ni bani Isirayila kaanu masɔtɔ.»

Hɔrɔya 25:22 ပူးပေါင်းရင်းမြစ်များ

Ko fɔlɔfɔlɛ 18:33

Alatala to ka kuma ban fɔla Iburahima ye, a tagata. Iburahima tugun saagita a bata.

Hɔrɔya 20:24

I ni kɛnɛ sarika bɔɔ dula sɔla n ɲɛ bangue la n batu koe la. I ni kolofen lanma nun a banba bɔɔ sarika bintannɛŋɛ nun kanunteya sarika la wo sarika bɔɔ dula kunma. N ka kan do kan yita i la n batu koe la, n si barikɛ to i la ko tɔ ɲɔ.

Hɔrɔya 27:21

Harona nun a la den kayireŋɛnu si wo lanpue tabɛn bɛndula boŋɛ butɔ parawan banba ɲakɔtɔ, min be bakkuren seedeɲɔgɔya kankira ɲaama. Wo lanpue si bita le nde Alatala ɲakɔtɔ bɔɔla wura la han saguma. Wo ni ma sariya banbale la bani Isirayila bɔnsɛ bɛ ye.»

Hɔrɔya 30:36

I be a sɔngɔ buntenna le, a munge do be sala seedeɲɔgɔya kankira le kɛnna bɛndula boŋɛ butɔ, mɔ be bɛnna ka min na. A be mala wo ye fondo saniyandeŋɛ fisamante le la.

Hɔrɔya 30:6

I be wo sorayi saniyandeŋɛ bintandula sigila parawan banba le ɲakɔtɔ, min be seedeɲɔgɔya kankira ɲamadogonna, anun a dataguraŋɛ, mɔ be bɛnna ka min na.

Hɔrɔya 31:18

Alatala to banta kuma fɔla Musa ye Turisinina kɔnkɛ kunma feu, a ka wo kuru wala fila don a bolo seedeɲɔgɔya la, Ala yati ka minnu sɛbɛ a bolo soliŋɛ la.

Hɔrɔya 31:6

A dɔrɔn te wali; n bata Ayisamaki la den Oholiyabi don a bolo a ni a dɛman, a be fatanden Dan bɔnsɛ le la. Mɔgɛnu minnu kusan walila, n bata fondo lɔn hakkile sa wonu tugun bɛ juse tɔ, alako anu ni wale bɛ ma iko n ka i yamɔri ki min na:

Lewi bɔnsɛnu la sariya 1:1

Alatala ka Musa kele a la hɔrɔma dingira tɔ, a ko:

Lewi bɔnsɛnu la sariya 16:2

«A fɔ i kɔtɔ Harona ye, a tini don hɔrɔma dingira tanta butɔ, a kana tanbi parawan bakkureŋɛ kɔma tɛmuɛ bɛ, han ka don ɲɔ dula saniyandeŋɛ fisamante tɔ, alako a kana faga. Bayi, nde be bɔɔla luuture tɔ ɲɔ le, lahire seedeɲɔgɔya kankira be ka min na, junubu kafare dataguraŋɛ be saren kankira min da la.

1 Samiyɛli 4:4

Anu ka mɔgɛnu kii Silo, anu tagata Alatala dunuya bɛ da Mansa la lahiri seedeɲɔgɔya kankira nati, min be sigiren maleka fila misalireŋɛ tɛma. Wo kankira be taakuren nun Hofuni nun Finehasi le la, Eli la deŋɛnu. Wo butɔ, kiilanu nata wagate min tɔ ka Ala la kankira jigan, Hofuni nun Finehasi ka a jokki.