Hɔrɔya 23:25 - Ala la kitabuenu Mɔgɔfin kuma tɔ

²⁵ Wo ni nde Alatala le batu, wo la Ala. N si barikɛ sa le wo la dɔmɛ nun wo la je tɔ, n ni naa bandiya matuntun wo la.

Hɔrɔya 23:25 ပူးပေါင်းရင်းမြစ်များ

Hɔrɔya 15:26

A ko anu ma: «Ka wo ka n kulɛ lamɔɛ a ɲinma la, nde Alatala, wo la Ala, ka wo mɛn tagata telen n ɲɛ, wo ka n na yamɔre bɛ bita, wo ka n na sariya bɛ labatu, n te bandiya koron yo lasanba wo ma, iko n ka min nasanba Misira kaanu ma, bayi nde mu Alatala le la min si wo lakendeya.»

Lewi bɔnsɛnu la sariya 11:44

Bayi, nde le mu Alatala la, wo Marige Ala. Wo ni wo yɛtɛ kɛrɛkɛrɛ nde le ye. Wo ni saniyan, bayi nde saniyanta. Wo kana wo yɛtɛ ma saniyanbale la wo nilama mɛsɛŋɛnu la ko la, minnu be tola tagamanna duge tɔ.

Lewi bɔnsɛnu la sariya 26:3

Ka wo ka n na sariya bita wo tota n na yamɔrenu labatula,

1 Samiyɛli 12:20

Samiyɛli ka a fɔ jama ye: «Hali wo ma kilan. Tɔɲa le, wo bata wo ko koroŋɛnu bɛ ma. Kɔnɔ kɔtɛ, wo kana bɔɔ Alatala la kila kɔma bitugun, fɔ wo ni Ala batu wo hanige beeyareŋɛ la.

1 Samiyɛli 12:24

Kɔnɔ wole kan, fɔ wo ni kilan Alatala la, wo ni a batu wo hanige beeyareŋɛ le la. Wo ni wo mira ko banbanu ma, a be minnu maren wo ɲala.

1 Samiyɛli 7:3

Samiyɛli nata a fɔ Isirayila kaanu bɛ ye: «Ka wo be wo fan nasaagiren Alatala ma wo hanige beeyareŋɛ le la, wo ni Asitoroti kuye anun kuye tɔɛ bɛ bɔɔ wo tɛma, wo ni wo ɲamatelen Alatala dɔrɔn pɛti le ma, wo ni a dɔrɔn de batu. Wo wagate, a si wo lakisi Filisiti kaanu ma.»