Kɔnɔ, ka min ka a lawuli a ma, a ka a mɔgɔɲɔgɛ faga teunteya la, hali a tagata a kuŋɛ taaku n na sarika bintandula le la, a bɛnta wo ni wo tigi bita, wo ni taga a faga.
Kɔnɔ ka wo ninge darita le mɔgɛnu bɔɔtila, anu bata a tige lalɔn, a be tagaren taranden a tige ma a kanta, ka wo ninge ka mɔgɛ faga, kayi ba, musu ba, a bɛnta wo ninge ni mabun. Ningi tige tugun bɛnta a ni faga.
I ni i matuntun foniya kuma bɛ la. I kana a ma, mɔgɔ tɔɲɛgɛreŋɛ ni faga, i mɛn kana a ma, mɔgɔ telendeŋɛ tugun ni faga. Bayi mɔgɔ min tini wo koe mɔɔle ma, n te diɲa wo tigi ma.
Awa, i ka Ala la yamɔrenu lɔn, ka a fɔla, i kana jeena ma, i kana nɛ bɔɔ, i kana kankaya ma, i kana seedeɲɔgɔya labita foniya la i mɔgɔɲɔgɛ kunma, i ni biliya sa i baaba nun i nɛɛnɛ ma.»
Wo dula dugudeŋɛnu to ka wo sabaafeŋɛ yen kondoren Pɔlu bole la, anu be a fɔla ɲɔgɔn ye: «Sikkɛ bele a tɔ, kɛ kaye mu mɔgɔ fagalá le la. Hali a to bata kisi ba tɔ, mɔ la batufeŋɛ Kiiti Salá te sɔn a ni balu.»
Bayi, min ka a fɔ, «I kana jeena ma,» ale le mɛn ka a fɔ, «I kana faga ma.» Hali i ma jeena ma, kɔnɔ ka i ka faga ma, wo butɔ i bata ma Ala la sariya sɔsɔlá la.
