Hɔrɔya 18:7 - Ala la kitabuenu Mɔgɔfin kuma tɔ

⁷ Awa, Musa bɔɔta a bitaŋɛ labɛndula, a kimisirinta, a ka a masunbu. Anu ka ɲɔgɔn makende sa, anu naata don tantaa kɔtɔ.

Hɔrɔya 18:7 ပူးပေါင်းရင်းမြစ်များ

Ko fɔlɔfɔlɛ 14:17

Awa, Iburama to ka mansa Kedorolami nun a mansaɲɔgɛnu kɛlɛ, a saagita kunnawule fɛ. A saagi tɛmuɛ Sodɔmu mansa bɔɔta, a tagata Iburama labɛn Sawe kɔnkɛ kɔtɔ, mɔgɛnu be a fɔla min ma mansa la kɔnkɛ kɔtɔ.

Ko fɔlɔfɔlɛ 18:2

A ka a ɲa sɔ, a ka kayi saba sɔreŋɛ yen kisanna, anu bele yanfayaren a la. A bɔɔta tanta dondula tɔ, a teriyata tagala anu labɛndula, a kimisirinta duge tɔ.

Ko fɔlɔfɔlɛ 19:1

Wo kɔma, wo maleka fila nata ke Sodɔmu wura la tɛmuɛ la, wo ka a taran Luti be sigiren Sodɔmu saa dondula. Luti la anu yendeŋɛ, a wulita a tagata anu labɛn. A ka a majigi han a ka a tindɛ sɔ duge tɔ.

Ko fɔlɔfɔlɛ 29:13

Bɔɔla Laban ka a barenmuse la den Yaguba la ko mɔɛ, a borita a tagata a labɛn. A la kereŋɛ a ma, a ka a bolenu milimili a kaŋɛ la a ka a sunbu, a ka a doni a bata. Yaguba ka koe bɛ dantɛgɛ Laban ye.

Ko fɔlɔfɔlɛ 31:28

I ma a to yati n ni nɔ n bolenu milimilila n na den musereŋɛnu ma, anun n mamareŋɛnu. Kɔnɔ i bata wali iko hakkilibɔnɛ.

Ko fɔlɔfɔlɛ 43:26

Yusufu la nareŋɛ boŋɛ tɔ, anu ka a la sanba ladon boŋɛ butɔ, anu ka a dantɛgɛ a ye, anu mɛn ka anu majigi a ye duge tɔ.

Ko fɔlɔfɔlɛ 45:15

A ka a kɔtɔnu bɛ masunbu a be dila. Wo bɛ labandeŋɛ le, jɔnɔn a nun a baaba dɔndɛnu fɔlɔta da masarala.

Ko fɔlɔfɔlɛ 46:29

Yusufu ka a la sarɛti tabɛn a tagata Gosɛn a baaba Yaguba labɛndula. A la kereŋɛ a ma, a milinta a kaŋɛ la, a tota dila ɲɔ han.

Hɔrɔya 18:6

Anu be tagala, a ka kiila kii Musa ma, a ko: «I bitaŋɛ le ka, nde Yetoro, n nun i la muse nun a la deŋɛnu, mɔ keta i dula.»

Hɔrɔya 33:7

Bani Isirayila kaanu tini be anu la daaka tola ka min na, Musa si kɛnɛ tantaa do jiganna, a ni a layanfaya daaka la a ni a sɔ. A ka wo tɔgɔ sa bɛndula boŋɛ. Min tini di Alatala maɲininkala fɔ a ni bɔɔ daaka kɔma, a ni taga bɛndula boŋɛ tɔ.

Hɔrɔya 4:27

Alatala ka a fɔ Harona ye: «Taga Musa labɛn dula janfue tɔ.» A tagata, a bɛnta Musa la Ala la kɔnkɛ tabɛŋɛ tɔ, anu milimilita ɲɔgɔn ma.

Luki 7:45

I ma n sunbu kɔntɔre la, kɔnɔ ale kan bɔɔla a donta yan, a ma n kɛŋɛnu sunbu koe boloka.

Kiilanu 20:37

Wo kɔma, anu bɛ bakkuta dila koola, anu ka anu bole milin Pɔlu kaŋɛ la, anu tota a sunbula.

Kiilanu 28:15

Mɔ nɛɛnɛdɔndɛ diinaɲɔgɛnu minnu be Rɔmu, wonu to ka mɔ la ko mɔɛ, anu nata mɔ labɛndula han ka min tɔgɔ Apiyusi Makite anun Yigiya bon saba. Pɔlu to ka anu yen, a ka limaniya sɔtɔ, a ka Ala lawali sa.

1 Samiyɛli 17:18

I be kɛ nɔnɔ kure taŋɛ kan donila anu la sɔɔri kuŋɛ le ye. I ni a fɛlɛ, ka tana yo bele anu ma, i mɛn ni seede do nati min mu anu la tɔnkuma la.

1 Samiyɛli 17:22

Dauda ka a la kote don koto kantalá bolo, a borita a tagata a kɔtɔnu la safa tɔ. A to keta anu ma, a ka anu kende masa.