Hɔrɔya 18:21 - Ala la kitabuenu Mɔgɔfin kuma tɔ

²¹ Wo kɔma, i mɛn ni mɔgɔ kendenu masubɛ jama bɛ tɛma minnu be kilanden Alatala la, minnu be maren tɔɲa fɔlanu la, anun minnu bele sɔnden ji sige la kɔtɔ la. I ni wonu ma anu la ɲatonkanu la, ka fɔlɔ mɔgɔ wulu dɔndɔ la kuŋɛ ma, a ni ke mɔgɔ kɛmɛ la kuŋɛ ma, a ni ke mɔgɔ bi loolu la kuŋɛ ma, han a ni taga sigi mɔgɔ tan na kuŋɛ ma.

Hɔrɔya 18:21 ပူးပေါင်းရင်းမြစ်များ

Ko fɔlɔfɔlɛ 22:12

Maleka mɛn ko: «I kana i bole lake deŋɛ ma de! I kana fenfen ma a la. N bata a lɔn kɔtɛ i be kilanden Ala la. Wolo ka a ma i ma balan i la den kayiren dɔndɛ diila n ma.»

Ko fɔlɔfɔlɛ 42:18

A tele saba luŋɛ, Yusufu ka a fɔ anu ye, a ko: «N be min fɔla wo ye, fɔ wo ni wolo ma, alako wo ni kisi, bayi n be kilanden Ala la.

Ko fɔlɔfɔlɛ 47:6

Misira jamanɛ be i sagoe tɔ. Kandula ɲinma ɲini kɛ jamanɛ tɔ, i baaba nun i baaba dɔndɛnu si sigi ka min na. Anu si nɔ sigila Gosɛn duge tɔ. Ka i ka mɔgɛnu lɔn anu tɔ minnu ka wale lɔn, anu jigan anu ni ma n na kolofen kantalanu kuŋɛnu la.»

Hɔrɔya 17:9

Musa ka a fɔ Yosuwe ye, a ko: «Kaye donu masubɛ wo mɔ ye, wo ni bɔɔ Amaleki kaanu kɛlɛdula. Nde si naa to sɔren de kɔnkɛ kun tɛma sinan, Ala la tungare be n bole tɔ.»

Hɔrɔya 18:25

A ka mɔgɔ kendenu masubɛ bani Isirayila kaanu bɛ tɛma, a ka anu sɔ jama kunma, mɔgɔ wulu dɔndɔ la kuŋɛnu, mɔgɔ kɛmɛ la kuŋɛnu, mɔgɔ bi loolu la kuŋɛnu, anun mɔgɔ tan na kuŋɛnu.

Luki 18:2

A ko: «Kiiti sala do le tota saa do tɔ min bele kilanna Ala la, a te malu mɔgɔ la.

Luki 18:4

A mɛta han, kiiti salá be balanden a la kiite sala. Kɔnɔ lun do, a ka a fɔ a yɛtɛ ma: ‹Tɔɲa le, n bele kilanna Ala la, n te malu mɔgɔ la,

Kiilanu 20:33

N to be wo tɛma nun, n ma mɔgɔ yo táran kaalise la, ka wo ma sanuɛ, ka wo ma balima kuta.

Kiilanu 6:3

Wolo mu, mɔ nɛɛnɛdɔndɛnu, wo ni kaye magankutu ɲinma wɔrɔwila masubɛ wo tɛma, hakkilima mu minnu la, Hakkili saniyandeŋɛ barikɛ be minnu tɔ. Mɔ ni wonu sɔ fatari dula.

1 Samiyɛli 8:12

A si donu jigan anu ni ma gali kuŋɛ la, mɔgɔ wulu dɔndɔ kuruŋɛ kunma, ka wo ma mɔgɔ bi loolu. A si donu tugun jigan anu ni a la sɛnɛnu wɔtɔ, a ni donu jigan anu ni a la sɛnɛnu tɛgɛ. A si donu jigan anu ni a la kɛlɛ mafeŋɛnu ɲiɲa, ka wo ma a la sarɛtinu.

1 Samiyɛli 8:3

Kɔnɔ Samiyɛli la den kayireŋɛnu ma tagaman iko ale, anu sɔta anu la munanfaŋɛ le kɔma. Mɔgɛnu tota je sigila anu ye, ka kiite laɲɛngɛn.