Hɔrɔya 15:16 - Ala la kitabuenu Mɔgɔfin kuma tɔ

¹⁶ Ee Alatala, kilaŋɛ nun jusu bɔɛ bata anu masɔtɔ, i la sɛnbɛ wale ka anu bɛ lamɔdɛ iko kure, han i la jama tanbita, i bata jama min kunka.

Hɔrɔya 15:16 ပူးပေါင်းရင်းမြစ်များ

Ko fɔlɔfɔlɛ 35:5

Wo kɔma anu tagata. Ala ka a la kilaŋɛ to saa fɛfɛ mɔgɛnu juse tɔ, mɔgɔ yo ma suusɛ Yaguba la denbayanu jokkila.

Hɔrɔya 11:7

Kɔnɔ bani Isirayila kaanu bata, i te wule hali dɔndɔ ŋurɛ kulɛ mɔɛ mɔgɛ ma, ka wo ma kolofeŋɛ ma. Wo butɔ wo si a lɔn Alatala ka tɛtɛgɛbɔɛ min ma Misira kaanu anun bani Isirayila kaanu tɛma.

Hɔrɔya 15:13

I ka i la jama kan kunka, i ka anu latagaman i la kanunteya butɔ. I sɛnbɛ be a maren, i be anu kun sɔla i la dula saniyandeŋɛ la.

Hɔrɔya 15:5

Mɔrɔŋɛnu ka anu mabutin. Anu jigita ba daŋɛ tɔ iko kure.

Hɔrɔya 15:6

Ee Alatala! I bolo ɲinma bole makilanta i sɛnbɛ la ko la. Ee Alatala! I bolo ɲinma bole si i jague la ko tiɲa le.

Hɔrɔya 18:8

Alatala ka min bɛ sigi Firauna nun Misira kaanu kɔɛɛ tɔ bani Isirayila kaanu la ko la, ɲagankata min ka anu masɔtɔ kila kunma, anun Alatala ka anu lafulen ki min na, Musa ka wo bɛ ɲamakaran a bitaŋɛ ye.

Hɔrɔya 20:2

«Nde len mu Alatala la, i la Ala. Nde len ka i labɔɔ Misira duge tɔ, i be jonya tɔ ka min na nun.

Hɔrɔya 23:20

Awa, a fɛlɛ, nde be maleka sɔla le wo ɲatɔ, a ni wo kanta kila la, a ni wo doni duge tɔ, n be ka min tabɛnden wo ye.

Hɔrɔya 23:22

Kɔnɔ ka wo ka a kulɛ bita yati, ka wo ka koe bɛ ma iko n ka a fɔ wo ye ki min na, n si ma le wo jaguenu jague la, anun wo kɛlɛlanu kɛlɛla.

Hɔrɔya 23:27

Nde si a ma wo la ko kilaŋɛ ni to wo jaguenu tɔ, anu tini wo la ko mɔɛ. Wo be tagala ka min na, jama min bɛ be wo duge tɔ, n si wonu hakkile ɲatadon de, wo jague bɛ si bori le wo la.

Hɔrɔya 6:7

N si naa wo jigan de wo ni ma n na jama la, nde tugun si ma le wo la Ala la. Wo mɛn si a lɔn de ka a fɔla, nde len mu Alatala la, wo la Ala, min ka wo bɔɔ wali bɛlɛŋɛnu tɔ Misira.

Kiilanu 20:28

Awa, wo ni mɛnni wo yɛtɛ ma, anun dɛnkɛnɛyabaga jama bɛ, Hakkili Saniyandeŋɛ bata wo ma minnu kuŋɛ la. Marige ka anu kunka a yɛtɛ base la, wolo mu wo ni anu dankun a ɲinma la, iko kolofen kantala be mɛnnila wɔɔrɛ ma ki min na.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.

1 Samiyɛli 2:9

A si a hakkile to le a la lannanteya mɔgɛnu ma. Kɔnɔ mɔgɔ koroŋɛnu kan be samala le dibe tɔ, bayi mɔgɛ te nɔɛ sɔtɔ a yɛtɛ sɛnbɛ la.

1 Samiyɛli 25:37

Siise to bɔɔta Nabali ɲa ma saguma, a la muse ka dantɛgɛ sa a ye. A to ka a la muse la kuma mɔɛ, ko do ka a juse masɔtɔ, a balata a la ken iko kure.