Hɔrɔya 14:31 - Ala la kitabuenu Mɔgɔfin kuma tɔ

³¹ Anu ka a yen Alatala be sɛnbɛ banba min nawaliren Misira kaanu la ko tɔ. Jama ka biliya sa Alatala ma, anu ka lannanteya doni Alatala nun a la kiila Musa ma.

Hɔrɔya 14:31 ပူးပေါင်းရင်းမြစ်များ

Hɔrɔya 19:9

Alatala ka a fɔ Musa ye, a ko: «I tolomasɔ, n si na le i dula luuture dibireŋɛ butɔ, alako n tini be kumala i ye, jama ni n kulɛ mɔɛ, anu mɛn ni lannanteya sa i ma tɛmuɛ bɛ tɔ.» Wo kɔma, Musa ka jama la jaabire lake Alatala ma.

Hɔrɔya 4:31

Jama laata. Anu to ka a lɔn, ko Alatala bata bani Isirayila kaanu la tɔɔrɛ yen, a mɛn nata hinnɛ anu la, anu ka anu majigi, anu sujuduta duge ma.

Luki 8:13

Suge lansanta kurenu minnu kunma, wo mu mɔgɛnu le la, minnu ka Ala la kuma mɔɛ anu ni a bita sɛɛwa tɔ, kɔnɔ liili bele anu la. Dɛnkɛnɛya be anu ye han tɛmu do. Kɔnɔ bɛlɛya wagate tini na, anu ni bɔɔ a tɔ.

Yaya 11:45

Awa, Yahudenu minnu tagata Mariyama bata, bɔɔla anu ka a yen Isa ka kɛ kabanakoe ma, anu siyama dɛnkɛnɛyata a ma.

Yaya 2:11

Awa, Isa ka kɛ-lɛ ma a la kabanako fɔlɛ la Kaana saa tɔ, Galile duge tɔ. Wo butɔ, a ka a la nɔɔra yita ɲɔ, han a la talibenu dɛnkɛnɛyata a ma.

Kiilanu 8:13

Simɔn yɛtɛ tugun mata dɛnkɛnɛyabaga la, a suwɛta je tɔ, a be tola Filipu kɔma. A to be laamute nun kabanako banba mareŋɛnu yenna, wo ka a makaabɛ koola.

1 Samiyɛli 12:16

Awa, wo na sɔ yanna, wo ni a fɛlɛ Alatala be ko belebele min mala wo ɲala.

1 Samiyɛli 12:18

Samiyɛli ka a kulɛ labɔɔ Alatala ma wo lun dɔndɛ tɔ, Alatala ka sangi je lana kisan, anun a bula la. Wo koe ka jama bɛ lakilan koola Alatala nun Samiyɛli la.