Hɔrɔya 12:37 - Ala la kitabuenu Mɔgɔfin kuma tɔ

³⁷ Wo lun, bani Isirayila kaanu fayida kayi mɔgɔ wulu kɛmɛ wɔɔrɔ bɔɔta anu kɛŋɛ la Ramisɛsi saa tɔ, tagala Sukoti saa tɔ. Anu la denbayanu bele wo kɔnte ɲaama.

Hɔrɔya 12:37 ပူးပေါင်းရင်းမြစ်များ

Ko fɔlɔfɔlɛ 12:2

N si i ma jama banba tige la. N si barikɛ sa i la ko tɔ, n si i tɔgɛ lakoloya. Mɔgɛnu si hɛra sɔtɔ i fɛ.

Ko fɔlɔfɔlɛ 15:5

Wo kɔma, Ala ka Iburama labɔɔ bara tɔ, a ka a fɔ a ye: «Saŋɛ fɛlɛ ba, i ni loolenu kɔnti ka i si nɔ anu kɔnte lɔnna.» A mɛn ka a fɔ a ye: «I bɔnsɛ si siya le iko i be loolenu yenden ki min na kantɔ.»

Ko fɔlɔfɔlɛ 46:3

Ala ka a fɔ a ye: «Nde le mu Ala la, i baaba Marigi Ala. Hali i ma kilan tagala Misira, bayi n si i bɔnsɛ lasiya ɲɔ le koola.

Ko fɔlɔfɔlɛ 47:11

Wo la tanbireŋɛ, Yusufu tugun ka a baaba nun a kɔtɔnu sigi Misira jamanɛ tɔ, a ka duge kan ɲinma dii anu ma Ramisɛsi duge tɔ, iko Misira mansa ka a yamɔri ki min na.

Hɔrɔya 1:11

Awa, anu nata kuŋɛnu sɔ bani Isirayila jama kunma anu tɔɔrɔ koe wali bɛlɛŋɛ la. Wo butɔ, bani Isirayila kaanu ka saanu labɔɔ dɔmɔ mandidula la Misira mansa ye, ka minnu tɔgɔ Pitɔmu anun Ramisɛsi.

Hɔrɔya 10:9

Musa ka a jaabi, a ko: «Mɔ nun mɔ la kamareŋɛnu, anun mɔ la mɔgɔbanu le be tagala, anun mɔ la den kayireŋɛnu nun mɔ la den musereŋɛnu, nun mɔ la kolofen lanmanu nun a banbanu, bayi wo lɔ́gɛ́ be mala mɔ ye Alatala la sale le la.»

Hɔrɔya 13:20

Bani Isirayila kaanu bɔɔta Sukoti saa tɔ anu tagata madɛn Etami janfue dala.

Hɔrɔya 38:26

Wo jama kɔnti tɛmuɛ, kayi mɔgɔ wulu kɛmɛ wɔɔrɔ mɔgɔ wulu saba kɛmɛ loolu anun bi loolu be (603.550) minnu bata san mugan anun do sɔtɔ. Kayi yo kayi ka kaalise giramu loolu le dii, awa kaalise min sɔtɔta wolo tabɛnta kilo wulu saba kilo tan nun wɔrɔwila nun giramu kɛmɛ wɔrɔwila bi loolu ma.