Hɔrɔya 12:29 - Ala la kitabuenu Mɔgɔfin kuma tɔ

²⁹ Su tɛma, Alatala ka den fɔlɛnu bɛ faga Misira duge tɔ, ka bɔɔ Firauna Misira mansa la den fɔlɛ ma min be naala sigila nun a la tintiŋɛ tɔ han gelemanɛnu minnu be geele tɔ, wonu la den fɔlɛnu ma han ka ke kolofeŋɛ den fɔlɛ bɛ ma.

Hɔrɔya 12:29 ပူးပေါင်းရင်းမြစ်များ

Ko fɔlɔfɔlɛ 15:14

Kɔnɔ jamanɛ min ka i bɔnsɛ bita jonya la, n si naa wo jamanɛ makiiti le. Wo kɔma, i bɔnsɛnu si naa bɔɔ wo jamanɛ tɔ fondo siyama fɛ.

Hɔrɔya 11:1

Wo ka a taran, Alatala ka a fɔ nun Musa ye, a ko: «N si naa jihadi tɔɛ lasanba le Firauna nun Misira kaanu ma. Ka wo koe mata, Firauna si naa wo boloka le yan feu wo ni taga. A ɲan si naa wo bee le dɔndɛ la yan.

Hɔrɔya 12:12

N si naa Misira duge takuntu le wo sue tɔ. N si Misira den fɔlɛ bɛ faga le, ka bɔɔ mɔgɛnu ma han kolofeŋɛnu n si a bɛ la den fɔlɛ faga le. N si naa jihade sa le Misira batufeŋɛ bɛ ma anu be minnu baturen iko Ala. Nde le mu Alatala la.

Hɔrɔya 12:28

Bani Isirayila kaanu tagata wo bɛ ma iko Alatala ka Musa nun Harona yamɔri ki min na. Anu ka a ma ɲɔgɔnna le.

Hɔrɔya 13:15

Firauna to be balanden nun kosi mɔ boloka koe la mɔ ni taga, Alatala ka den fɔlɛ bɛ faga Misira duge tɔ, ka bɔɔ mɔgɛnu la den fɔlɛ ma han ka ke kolofeŋɛnu la den fɔlɛ ma. Wo koe le be a maren, wo mɔ be kolofeŋɛnu la den kayiren fɔlɛ bɛ diila Alatala ma sarika la, mɔle tugun na den kayiren fɔlɛ bɛ be kunkala le deŋɛnu tɛma.›

Hɔrɔya 4:23

Aa a bata a fɔ i ye i ni a la den kayireŋɛ boloka a ni taga a batu, kɔnɔ i ma sɔn a bolokala a ni taga. Awa aa a si naa i la den kayiren fɔlɛ faga.› »

Hɔrɔya 9:6

Wo tabantaka, Alatala ka a ma ɲɔgɔnna le. Misira kolofeŋɛnu bɛ fagata wɔɔrɛ tɔ, kɔnɔ hali kolofeŋɛ dɔndɔ ma faga bani Isirayila kaanu la wɔɔrɛ tɔ.