2 Tesaloniki 2:2 - Ala la kitabuenu Mɔgɔfin kuma tɔ

² hali wo juse ma makasa. Ka mɔgɔ do ka a fɔ wo ye, aa Marige Isa na luŋɛ ɲan bata ke, wo hakkile kana ɲatadon de, hali wo tigi kumata wo ye iko nabiyonmɛ le mu a la, ka wo ma, a ni kawande ma wo ye, ka wo ma, a ni bataakɛ nati iko a be fatanden mɔle len na nun.

2 Tesaloniki 2:2 ပူးပေါင်းရင်းမြစ်များ

Luki 21:19

Wo wakkilɛ de! Wolo si a ma wo si kise sɔtɔ.»

Luki 21:9

Wo tini kɛlɛ nun jihade la ko mɔɛ, hali wo ma kilan. A fɛrɛ bele fɔ wo koenu fɔlɔ ni ma, kɔnɔ wo si a taran, dunuya la baŋɛ ma ke betunna.»

Yaya 14:1

Isa ka a fɔ a la talibenu ye: «Wo juse kana bɔɔ. Wo dɛnkɛnɛya Ala ma, ka dɛnkɛnɛya nde tugun ma.

Yaya 14:27

N be jususa tola wo bolo kɔtɛ, min be fatanden nde la. Wo jususa bele fatanden dunuya la. Wo juse kana bɔɔ, wo kana kilan.

1 Tesaloniki 3:3

alako wo la mɔgɔ yo kana hanmɛ wo la ɲagankata tɔ wo be min tɔ ka. Wole yati ka a lɔn, wo ɲagankata le be lagiriren wo mɔ ma.

1 Tesaloniki 4:15

Marige la kuma le ka, mɔ be min fɔla wo ye: Marige na tɛmuɛ be wo mɔle minnu taranna dunuya mɔ kende la, wo mɔle le fɔlɔ bele yɛlɛla dɛnkɛnɛyabaga fagareŋɛnu ko de ka anu to kɔma.

1 Tesaloniki 5:2

Bayi wole yati ka a lɔn a ɲinma la, ka a fɔla Marige la lɔgɛ si na le iko kankante be nala sue tɔ ki min na.

2 Tesaloniki 2:15

Wo butɔ, n nɛɛnɛdɔndɛnu, wo kɛn sɔ dɛnkɛnɛya ma. Mɔ ka wo karan min na mɔ la kawande nun bataakɛ sabu la, wo ni to wo bitaren pen.

2 Tesaloniki 3:17

Nde Pɔlu le be kɛ kɔntɔre sɛbɛla n yɛtɛ bole la wo ma. N na bataakɛ bɛ be matɔnkumaren kaa le. N bolo baa le ka.