2 Tesaloniki 2:13 - Ala la kitabuenu Mɔgɔfin kuma tɔ

¹³ Awa mɔ nɛɛnɛdɔndɛnu, Marige be minnu kanuren, mɔ ɲan bɛnta Ala tantula wole la ko la tɛmuɛ bɛ tɔ, bayi Ala bata wo masubɛ kisi koe la bɔɔla fɔlɔ. A ka wo lakisi a Hakkili saniyandeŋɛ la wale le sabu la min be wo kɛrɛkɛrɛren wo ni ma a tɛŋɛ la. A ka wo lakisi wo la dɛnkɛnɛya le sabu la, wo to be laaren tɔɲa la.

2 Tesaloniki 2:13 ပူးပေါင်းရင်းမြစ်များ

Ko fɔlɔfɔlɛ 1:1

A fɔlɔfɔlɛ la, Ala ka saŋɛ nun duge da.

Luki 1:75

saniyaŋɛ tɔ, anun teleŋɛ la. Mɔ ni tagaman Ala ɲala ɲɔgɔnna, han wo mɔ la simaya ni ban.

Yaya 1:1

Kuma le fɔlɔ fɔlɔ be, a nun Ala be ɲɔgɔn na, a mu Ala le la.

Yaya 14:6

Isa ka a fɔ a ye, a ko: «Kila nun tɔɲa nun kise le mu nde la. Mɔgɔ yo te don n Baaba bata, ka a ma ke nde ma.

Kiilanu 13:48

Sii gbɛtɛ mɔgɛnu to be wo kumanu mɔɛla, anu be sɛɛwaren, anu be Marige la kuma matɔgɔla. Ala bata abada kise sa min bere ye, wonu mata dɛnkɛnɛyabaga la.

Kiilanu 15:9

A ma tɛtɛgɛbɔɛ ma mɔle nun ande tɛma, bayi a ka anu sondoŋɛ tugun nasaniyan anu la dɛnkɛnɛya le la ko la.

1 Tesaloniki 1:4

Wo butɔ, n nɛɛnɛdɔndɛnu, wole Ala kanunteŋɛnu, mɔ ka a lɔn aa Ala bata wo masubɛ.

1 Tesaloniki 2:12

ka a fɔ wo ye a beeyareŋɛ la, wo tagamanɲa ni bɛn Ala ye, min be wo makeleren wo ni to a la mansaya niiniŋɛ nun a la nɔɔra kɔtɔ.

1 Tesaloniki 4:7

Bayi Ala ma mɔ kele saniyanbaliya ma, fɔ saniyaŋɛ le ma.

1 Tesaloniki 5:9

Ala ma a lagiri wo mɔ ma, wo mɔ ni a la dumɛŋɛ sɔtɔ, fɔ kise sɔtɔ koe wo mɔ Marige Isa sabu la, Ala la mɔgɔ masubɛreŋɛ,

2 Tesaloniki 1:3

N nɛɛnɛdɔndɛnu, mɔ bɛnta mɔ ni Ala tantu wo la ko la tɛmuɛ bɛ tɔ. Iyon, wo kaɲin, bayi, wo la dɛnkɛnɛya be koloyala a ɲinma la, anun wo dɔndɔ dɔndɔ bɛ la kanunteya be kunmasala ɲɔgɔn ye.

2 Tesaloniki 2:10

A si naa mɔgɔ samareŋɛnu majuguya le telenbaliya mɔɔle bɛ la, bayi tɔɲa min si anu lakisi nun, anu balanta wo ni diya anu ye, anu ma a bita.

2 Tesaloniki 2:12

A be a mala ɲɔgɔnna le alako minnu ma laa tɔɲa la, telenbaliya be diyaren minnu ye, anu bɛ la ko ni tiɲa.

2 Tesaloniki 2:16

Wo mɔ Marige Isa yati min mu Ala la mɔgɔ masubɛreŋɛ la, anun wo mɔ Baaba Ala, min bata wo mɔ kanu, min be hinnɛla wo mɔ la a ka yigi sɔdula ɲinma don wo mɔ bolo anun limaniya min te ban abada,

Yaguba 1:18

A yɛtɛ sagoe, a bata wo mɔ ma a la deŋɛnu la a la tɔɲa kuma sabu la, a ka wo mɔle fɔlɔfɔlɔ le kɛrɛkɛrɛ wo mɔ ni ma a tɛŋɛ la a la dalifeŋɛnu bɛ tɛma.