2 Tesaloniki 1:4 - Ala la kitabuenu Mɔgɔfin kuma tɔ

⁴ Wo butɔ, mɔ be wo matɔgɔla Ala la dɛnkɛnɛyabaga jama donu ye, wo to be timiladiyaren, wo be dɛnkɛnɛyaren ka ɲagankata nun tɔɔrɛ bɛ lamuɲu.

2 Tesaloniki 1:4 ပူးပေါင်းရင်းမြစ်များ

1 Tesaloniki 1:3

Tɛmuɛ bɛ tɔ, mɔ hakkile to be wo la ko ma, mɔ be a fɔla wo mɔ Baaba Ala ye, mɔ be a tantula le wo la wale la min be fatanden wo la dɛnkɛnɛya la, anun wo be min maren kanunteya sabu la. Mɔ be a tantula le bayi wo be wo timiladiyaren wo yigi sɔ koe la Ala la mɔgɔ masubɛreŋɛ Marige Isa ma.

1 Tesaloniki 2:14

Wo butɔ, n nɛɛnɛdɔndɛnu, wo bata ma Ala la dɛnkɛnɛyabaga jama ladegenná la, minnu bata dɛnkɛnɛya a la mɔgɔ masubɛreŋɛ Isa ma Juda duge tɔ. Bayi, anu bareŋɛnu Yahudenu ka anu tɔɔrɔ le, awa wole tugun, wo bareŋɛnu ka wo tɔɔrɔ ɲɔgɔnna le.

1 Tesaloniki 2:19

Adun, Marige Isa na luŋɛ, mɔ ɲan hakkile be sɔla Ala ma ɲɔmɔ le la ko la wo lun? Mɔ be ɲagalinna ɲɔmɔ le la ko la? Mɔ be sɛɛwa nun kunnawule sɔtɔla ɲɔmɔ le la ko la? Kaa, wole ma ba?

2 Tesaloniki 3:5

Awa, Marige tugun ni wo juse sɔ Ala la kanunteya kila ma, anun a la mɔgɔ masubɛreŋɛ la timiladiya ma.

Yaguba 5:11

Wo mɔ ka a lɔn hɛra be mɔgɛ ye min be a timiladiyala tɔɔrɛ butɔ. Wo bata a mɔɛ Ayuba ka a timiladiya ki min na. Wo mɛn bata a yen Marige ka min nagiri a ye a la tɔɔrɛ tanbi kɔma. Marige la hinnɛnteya anun a la kinikinɛ kolo.