1 Tesaloniki 4:13 - Ala la kitabuenu Mɔgɔfin kuma tɔ

¹³ N nɛɛnɛdɔndɛnu, mɔ bele diren wo ni to fahamubaliya tɔ dɛnkɛnɛyabaganu la ko la minnu bata faga. Wolo si a ma wo te suunu iko mɔgɛ minnu bele anu yigi sɔren Ala ma.

1 Tesaloniki 4:13 ပူးပေါင်းရင်းမြစ်များ

Ko fɔlɔfɔlɛ 37:35

A la den kayireŋɛnu anun a la den musereŋɛnu bɛ wulita anu tagata a masabari, kɔnɔ a ma sɔn sabarila. A ka a fɔ, a ko: «N si n na deŋɛ la faga suunɛ ma han n be tagala a taranna tɛmuɛ min tɔ aligiyama.» A tota dila a la ko la.

Lewi bɔnsɛnu la sariya 19:28

Faga la ko suunɛ kana a ma, wo ni wo bale matɛgɛ. Wo kana pirinte ma wo bale ma. Nde le mu Alatala la.

Lewi bɔnsɛnu la sariya 21:2

Kɔnɔ sarika lakelá si nɔ mala saniyanbale la ka maga a balima mɔgɛ do fure kan na, iko a nɛɛnɛ, a baaba, a la den kayireŋɛ nun a la den musereŋɛ, a dɔgɔ kayima nun a kɔtɔ kayima, anun a barenmusu den musereŋɛ, min ma sigi kayi dugu a be a bata betunna. A si nɔ magala wonu fure kan na.

Yaya 11:24

Marata ka a jaabi, a ko: «N ka a lɔn a si naa tawuli le mɔgɔ fagareŋɛnu wuli luŋɛ kan, lun tɔɛ.»

Kiilanu 13:36

Dauda ka Ala sagoe ma a jamanɛ tɔ han a fagata, a baadɛta a benbanu kɛnna, ale yɛtɛ tolita.

Kiilanu 7:60

Wo kɔma, a kimisirinta, a ka a kulɛ labɔɔ sɛnbɛ la, a ko: «Marige, i kana anu bita kɛ junube la!» A to banta wo fɔla, a fagata a tota iko a be kinnɔgɔla.

Kiilanu 8:2

Ala ɲalakilanna kaye donu ka Etiyɛn fure mandi, anu ka diri banba ma a la ko la.

1 Tesaloniki 4:14

Wo mɔ be laaren a la Isa bata faga, a mɛn tawulita, kaa? Awa, fagabaganu minnu dɛnkɛnɛyata Isa ma, mɔ mɛn be laaren a la, Ala si naa wonu tugun nawuli le, a ni anu layɛlɛ Isa la ko sabu la, anu bɛ ni kunbɛn kan dɔndɔ.

1 Tesaloniki 4:15

Marige la kuma le ka, mɔ be min fɔla wo ye: Marige na tɛmuɛ be wo mɔle minnu taranna dunuya mɔ kende la, wo mɔle le fɔlɔ bele yɛlɛla dɛnkɛnɛyabaga fagareŋɛnu ko de ka anu to kɔma.

1 Tesaloniki 5:10

min fagata wo mɔ ye, alako wo mɔ si to Marige kɛnna abada, a mata mɔ kende la ba, a mata mɔ fagareŋɛ la ba.

1 Tesaloniki 5:6

Wo butɔ, wo mɔ kana kinnɔgɔ iko doenu, fɔ ka to mɔ ɲamakende la, wo mɔ ni mɔ yɛtɛ tabita.