1 Tesaloniki 2:14 - Ala la kitabuenu Mɔgɔfin kuma tɔ

¹⁴ Wo butɔ, n nɛɛnɛdɔndɛnu, wo bata ma Ala la dɛnkɛnɛyabaga jama ladegenná la, minnu bata dɛnkɛnɛya a la mɔgɔ masubɛreŋɛ Isa ma Juda duge tɔ. Bayi, anu bareŋɛnu Yahudenu ka anu tɔɔrɔ le, awa wole tugun, wo bareŋɛnu ka wo tɔɔrɔ ɲɔgɔnna le.

1 Tesaloniki 2:14 ပူးပေါင်းရင်းမြစ်များ

Kiilanu 11:19

Awa, dɛnkɛnɛyabaga minnu malansanta ɲagankata la ko la Etiyɛn faga kɔma, wonu tanbita han Fenisi jamanɛ nun Sipiri sure tɔ, han Antiyoki saa tɔ. Anu bele Ala la kuma fɔla mɔgɔ yo ye, fɔ Yahudenu dɔrɔn.

Kiilanu 13:50

Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ.

Kiilanu 14:19

Kɔnɔ Yahudenu nata bɔɔla Antiyoki anun Ikoni saa tɔ, anu ka jama bu tadon han anu ka Pɔlu mabun a faga koe la. Wo kɔma anu ka a sabaa ka a labɔɔ saa butɔ, a be toren anu ye a bata faga.

Kiilanu 14:2

Kɔnɔ Yahude minnu balanta dɛnkɛnɛyala, wonu ka saa mɔgɛnu bu tadon minnu bele maren Yahudenu la, alako anu juse ni yɛlɛ dɛnkɛnɛyabaganu ma.

Kiilanu 14:4

Awa, saa butɔ mɔgɔ jama fatanta fila la: sɔngɔ dɔndɔ sɔta Yahudenu fɛ, sɔngɛ doe sɔta kiilanu fɛ.

Kiilanu 14:5

Wo butɔ, Yahudenu anun anu la kuntigenu anun sii gbɛtɛ mɔgɛnu bɛnta a ma anu ni ko koroŋɛ ma Pɔlu nun Baranabasi la, anu ni anu mabun ka anu faga.

Kiilanu 17:13

Kɔnɔ Tesaloniki Yahudenu to ka a mɔɛ Pɔlu be Ala la kuma lakela Bereya saa tɔ tugun, anu tagata ɲɔ tugun anu tota jama lamagala ka a ɲatadon.

Kiilanu 18:12

Wo ka a taran, Galiyon be maren dugu mansa la Akayi duge kunma. Awa wo wagate le, Yahudenu wulita Pɔlu digii ma hanige dɔndɔ la, anu ka a doni kiiti sa boŋɛ tɔ,

Kiilanu 8:1

Etiyɛn faga koe diyata Sɔlu tugun ye. Awa, wo lun yati le, anu kitita Darisalamu dɛnkɛnɛyabaga jama tɔɔrɔ koe la. Wonu bɛ malansanta Juda nun Samari dugenu tɔ, fɔ kiilanu.

Kiilanu 8:3

Wo wagate, Sɔlu tugun tota diginna dɛnkɛnɛyabaga jama ma anu halagi koe la: a tota donna boŋɛnu bɛ tɔ dɔndɔ dɔndɔ, a ni dɛnkɛnɛyabaganu sabaa, musu nun kaye, a ni anu sa geele tɔ.

Kiilanu 9:1

Han bi Sɔlu be katala kila bɛ la Marige la talibenu faga koe la. Wo butɔ, a tagata sarika lakela kuntige dula,

Kiilanu 9:13

Ananiyasi ka a jaabi, a ko: «Marige, wo kaye ka ko koroŋɛ banba min ma i la mɔgɔ saniyandeŋɛnu la Darisalamu, n ka wo mɔɛ mɔgɔ siyama la.

Kiilanu 9:31

Wo wagate, dɛnkɛnɛyabaga jama minnu be Juda nun Galile nun Samari duge bɛ tɔ, anu bɛ tota jususa tɔ. Anu sɛnbɛ be koloyala, anu be tagamanna Marige la ɲalakilaŋɛ la, Ala Hakkili saniyandeŋɛ la dɛmare ka a ma anu tota siyala.

1 Tesaloniki 1:1

Bataakɛ le mu ka, a be fatanden nde Pɔlu, Silasi nun Timote le la, tagala wole Tesaloniki saa dɛnkɛnɛyabaga jama ma, minnu bata ma Baaba Ala nun a la mɔgɔ masubɛreŋɛ, Marige Isa tɛŋɛ la. ⸂Ala nun a la mɔgɔ masubɛreŋɛ Isa⸃ ni hinnɛ nun jususa dii wo ma.

1 Tesaloniki 1:6

Awa, wo bata ma mɔ nun Marige ladegenná la, bayi wo ka Ala la kuma bita le sɛɛwa la, sɛɛwa min be fatanden Ala Hakkili saniyandeŋɛ la, hali wo to bata ɲagankata siyama sɔtɔ wo butɔ.

1 Tesaloniki 3:4

Kaa, mɔ ɲan ma a fɔ le nun wo ye mɔ be wo ɲaama tɛmuɛ min tɔ nun, mɔ ko mɔgɛnu si naa le wo mɔ ɲagankatadula? Awa, wo bata a yen kɔtɛ, wolo bata naa ma.

2 Tesaloniki 1:1

Bataakɛ le mu ka, a be fatanden nde Pɔlu, Silasi nun Timote le la, tagala wole Tesaloniki saa dɛnkɛnɛyabaga jama ma, minnu bata ma wo mɔ Baaba Ala nun a la mɔgɔ masubɛreŋɛ, Marige Isa tɛŋɛ la.

2 Tesaloniki 1:4

Wo butɔ, mɔ be wo matɔgɔla Ala la dɛnkɛnɛyabaga jama donu ye, wo to be timiladiyaren, wo be dɛnkɛnɛyaren ka ɲagankata nun tɔɔrɛ bɛ lamuɲu.