1 Tesaloniki 1:6 - Ala la kitabuenu Mɔgɔfin kuma tɔ

⁶ Awa, wo bata ma mɔ nun Marige ladegenná la, bayi wo ka Ala la kuma bita le sɛɛwa la, sɛɛwa min be fatanden Ala Hakkili saniyandeŋɛ la, hali wo to bata ɲagankata siyama sɔtɔ wo butɔ.

1 Tesaloniki 1:6 ပူးပေါင်းရင်းမြစ်များ

Yaya 8:12

Isa mɛn kumata jama ye tugun, a ko: «Nde le mu dunuya kɛnɛ la. Min tini sɔ n kɔma, wo te tagaman dibe tɔ muku, a be kɛnɛ le sɔtɔla min si a lakisi.»

Kiilanu 13:52

Talibenu minnu tota Antiyoki saa tɔ wonu tugun be sɛɛwaren koola, Hakkili saniyandeŋɛ barikɛ be anu ma.

Kiilanu 5:41

Kiilanu to bɔɔta Yahude kuntigenu la mamadɛŋɛ tɔ, anu juse diyata anu ye, bayi Ala ka ande le masubɛ, anu ni tɔɔrɔ Isa tɔgɛ la ko la.

Kiilanu 9:31

Wo wagate, dɛnkɛnɛyabaga jama minnu be Juda nun Galile nun Samari duge bɛ tɔ, anu bɛ tota jususa tɔ. Anu sɛnbɛ be koloyala, anu be tagamanna Marige la ɲalakilaŋɛ la, Ala Hakkili saniyandeŋɛ la dɛmare ka a ma anu tota siyala.

Filipi 3:17

N nɛɛnɛdɔndɛnu, wo bɛ ni n nadegen. Mɔgɛ minnu tagamanɲa be toren iko mɔ tɛŋɛ, wonu le ni ma misale la wo ye.

2 Tesaloniki 1:4

Wo butɔ, mɔ be wo matɔgɔla Ala la dɛnkɛnɛyabaga jama donu ye, wo to be timiladiyaren, wo be dɛnkɛnɛyaren ka ɲagankata nun tɔɔrɛ bɛ lamuɲu.

2 Tesaloniki 3:7

Wo yɛtɛ ka a lɔn wo bɛnta mɔ ladegenna ki min na. Bayi, mɔ to be wo tɛma wagate min tɔ nun, mɔle ma ma fuyante la.

2 Tesaloniki 3:9

A si dagɛ mɔ ye nun mɔ ni fondonu sɔtɔ wo la, kɔnɔ mɔ ma sɔn wo la alako mɔ ni ma misale la wo ye, wole tugun ni mɔ ladegen.

1 Piyɛri 1:6

Wo butɔ, wo ni sɛɛwa, hali a be lagiriren wo ye tɔɔrɛ mɔɔle bɛ ni wo juse makasa kɛ wagatindeŋɛ kɔtɔ.

1 Piyɛri 1:8

Wo bata Isa kanu hali wo to ma a yen; hali wo to bele a yenden tugun, wo be laala le a la, han ka sɛɛwa. Sɛɛwa belebele le mu, a ɲan te fɔ.

1 Piyɛri 3:13

Ka wo katata ko ɲinma le ma koe la, wo juse bɛ labɛndeŋɛ la, hali ko koron malá dɔndɔ si nɔ wo tɔɔrɔla ba?